news

ຄະນະສະເພາະກິດຖະແຫຼງ ວັນທີ 10 ກຸມພາ 2021 ສປປ ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ ແຕ່ຮຽກຮ້ອງທຸກພາກສ່ວນເອົາໃຈໃສ່ປະຕິບັດມາດຕະການທີ່ຄະນະສະເພາະກິດວາງອອກ ໂດຍສະເພາະ ຜູ້ເດີນທາງເຂົ້າລາວ ຂໍໃຫ້ການຮ່ວມມື ຈໍາກັດບໍລິເວນຕົນເອງ ຈົນຄົບກໍານົດ 14 ວັນ. ໃນວັນທີ 11 ກຸມພາ 2021 ທີ່ກະຊວງສາທາລະນະສຸກ ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ໄດ້ຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ວ່າ:  ຮອດ 5 ໂມງແລງ ຂອງວັນທີ 10 ກຸມພາ 2021 ທົ່ວປະເທດມີຜູ້ເດີນທາງເຂົ້າມາຜ່ານຈຸດຜ່ານແດນຕ່າງໆ ທັງໝົດ 2.310 ຄົນ, ເຊິ່ງທຸກຄົນແມ່ນໄດ້ແທກອຸນຫະພູມຮ່າງກາຍ, ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ ແລ້ວຈຶ່ງນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ ຈົນກວ່າຈະຄົບກຳນົດ 14 ວັນ. […]

​ປັດຈຸບັນ ສປປ ລາວ ຍັງ​ບໍ່​ພົບ​ຜູ້​ຕິດ​ເຊື້ອ​ໂຄ​ວິດ-19 ​ເພີ່ມ​ຂຶ້ນ​ໃໝ່, ຕົວ​ເລກ ​ຜູ້​ຕິດ​ເຊື້ອສະ​ສົ​ມ ຍັງ​ຢູ່ 45 ຄົນ, ປິ່ນປົວ​ຫາຍ​ດີ 41 ຄົນ, ຍັງ​ສືບ​ຕໍ່ ນອນຕິດຕາມອາການ ແລະ ປິ່ນປົວຢູ່ໂຮງໝໍ 4 ຄົນ, ​ເຖິງ​ຢ່າງ​ໃດ​ກໍ່ຕາມ​ເຖິງ​ແມ່ນ​ວ່າ ສປປ ລາວ ຈະ​ບໍ່ມີ​ຜູ້​ຕິດ​ເຊື້ອ​ເ ພີ່ມ​ຂຶ້ນ​ໃໝ່ກໍ່ຕາມ ຄະນະ​ສະ​ເພະ​ກິດ ກໍ່​ຄື ກະຊວງ​ສາທາລະນະ​ສຸກ ກໍບໍ່​ໄດ້​ລະ​ເຫ​ລິງ ​ໄດ້​ເອົາ​ໃຈ​ໃສ່​ເຝົ້າ​ລະວັງຕິດຕາມ​ກວດກາ ຄົນ​ເຂົ້າ​-ອອກ​ເມືອງ ຢ່າງ​ເຄັ່ງ​ຄັດ ​ຢູ່​ບັນດາ​ດ່ານ ​ເຂົ້າ​-ອອກ​ຕ່າງໆ ​ໃນ​ຂອບ​ເຂດ​ທົ່ວ​ປະ​ເທດ. ທ່ານ ດຣ. ນາງ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະ ນະສຸກ ລາຍ​ງານ​ໃຫ້​ຮູ້​ໃນ​ວັນ​ທີ 10 ກຸມພາ 2021 ນີ້​ວ່າ: ນັບແຕ່ ເດືອນມັງກອນ 2020 ຮອດປັດຈຸບັນ ໄດ້ເກັບຕົວຢ່າງມາກວດທັງໝົດ 107.013 ຕົວຢ່າງ, ກວດພົບເຊື້ອສະສົມ 45 ຄົນ

ກະຊວງ ສາທາລະນະສຸກ ກໍຄື ລັດຖະບານລາວ ຕີລາຄາສູງ ຕໍ່ການຊ່ວຍເຫລືອ ອັນລ້ຳຄ່າຂອງ ລັດຖະບານ ສປ ຈີນ ທີ່ໄດ້ມອບ ວັກແຊງ ປ້ອງກັນ ພະຍາດໂຄວິດ-19 ຈຳນວນ 300.000 ໂດສ ພ້ອມດ້ວຍເຊີແລງ ຈຳນວນ 300.800 ອັນ ໃຫ້ແກ່ ສປປ ລາວ ເພື່ອນຳມາໃຊ້ເຂົ້າໃນວຽກງານປ້ອງກັນພະຍາດໂຄວິດ-19 ຢູ່ພາຍໃນປະເທດ ໄດ້ຢ່າງທັນການ.​ ທ່ານ ຮສ.ດຣ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໃຫ້ສຳພາດໃນໂອກາດຕ້ອນຮັບການຂົນສົ່ງວັກແຊງປ້ອງກັນພະຍາດໂຄວິດ-19 ຈຳນວນ 300.000 ໂດສ ທີ່ມາຈາກ ສປ ຈີນ ໃນຕອນເຊົ້າຂອງວັນທີ 8 ກຸມພາ 2021 ທີ່ສະໜາມບິນສາກົນວັດໄຕ ວ່າ: ການຊ່ວຍເຫລືອຄັ້ງນີ້, ເຊິ່ງເປັນຮອບທີສອງ ແມ່ນມີຄວາມໝາຍສຳຄັນຫລາຍ ເພາະຈະເຮັດໃຫ້ ສປປ ລາວ ສາມາດສັກວັກແຊງປ້ອງກັນພະຍາດໂຄວິດ-19 ໃຫ້ບຸກຄະລາກອນຜູ້ທີ່ມີຄວາມສ່ຽງສູງສຸດໄດ້ຄົບໝົດ ເປັນຕົ້ນແມ່ນບຸກຄະລາກອນການແພດ

ໃນໂອກາດຖະແຫລງຂ່າວກ່ຽວກັບການສືບຕໍ່ປະຕິບັດບັນດາມາດຕະການຜ່ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດພະຍາດໂຄວິດ19 ໃນວັນທີ 2 ກຸມພາ 2021, ທີ່ກະຊວງສາທາລະນະສຸກ ຮອງສາສະດາຈານ ດຣ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກ, ຮອງຫົວໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະແກ້ໄຂການລະບາດພະ ຍາດໂຄວິດ19 ຊີ້ໃຫ້ເຫັນວ່າ: ເພື່ອສືບຕໍ່ປະຕິບັດມາດຕະການປ້ອງກັນຢ່າງເຂັ້ມງວດ ລັດຖະບານໄດ້ຕົກລົງ ແລະຊີ້ນໍາໃຫ້ພາກສ່ວນກ່ຽວຂ້ອງສືບຕໍ່ປະຕິບັດບັນດາມາດຕະການຕ່າງໆ ຄືກັບມາດຕະການທີ່ໄດ້ປະຕິບັດໃນເດືອນທັນວາ 2020 ແລະ ເດືອນມັງກອນ 2021 ຜ່ານມາ ຕາມທີ່ໄດ້ລະບຸໃນແຈ້ງການ ຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1414/ຫສນຍ, ລົງວັນທີ 23 ທັນວາ. ຍ້ອນວ່າມີການລະບາດເພີ້ມຂື້ນໃນທຸກປະເທດອ້ອມຂ້າງ ຈື່ງຕ້ອງໄດ້ປະຕິບັດມາດຕະການເພີ່ມຕື່ມ ຈຳນວນນື່ງໃຫ້ເຂັ້ມງວດກວ່າເກົ່າ ສຳລັບໄລຍະແຕ່ວັນທີ 01 ກຸມພາ ຫາ ວັນທີ 31 ມີນາ 2021 ດັ່ງນີ້: 1. ໃຫ້ສືບຕໍ່ໂຈະການອະນຸມັດຖ້ຽວບິນເໝົາລຳ ຈາກປະເທດ/ຂົງເຂດ ທີ່ມີການລະບາດຂອງພະຍາດ COVID-19 ຢູ່ພາຍໃນ,

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດເຂົ້າຮ່ວມ ແລະ ໂອ້ລົມໃຫ້ທິດຊີ້ນຳ ຕໍ່ກອງປະຊຸມສາທາລະນະສຸກທົ່ວປະເທດ ຄັ້ງທີ VIII ໃນວັນທີ 29 ມັງກອນ 2021, ທີ່ນະຄອນຫລວງວຽງຈັນ ພາຍໃຕ້ຄຳຂວັນທີ່ວ່າ “ຍົກສູງຄຸນນະພາບການບໍລິການສຸຂະພາບ” ເຊິ່ງທ່ານ ນາຍົກ ໄດ້ຊົມເຊີຍການປະຕິບັດໜ້າທີ່ຂອງພະນັກງານແພດໝໍ, ນັກຮົບເສື້ອຂາວ ແລະ ທຸກຄົນໃນສັງຄົມ ທີ່ຮ່ວມມືຕໍ່ສູ້ກັບພະຍາດໂຄວິດ-19 ຢ່າງເປັນຈິດໜຶ່ງໃຈດຽວ. ຢ່າງໃດກໍຕາມ ທ່ານ ນາຍົກລັດຖະມົນຕີ ຍັງໄດ້ເນັ້ນໃຫ້ຂະແໜງສາທາລະນະສຸກສືບຕໍ່ມູນເຊື້ອແພດປະຕິວັດ ທີ່ມີຄວາມເສຍສະຫລະ, ຖືເອົາຄົນເຈັບເປັນເປົ້າໝາຍ ປຽບສະເໝືອນຄົນທີ່ຕົນຮັກ, ມີຈັນຍາບັນຈັນຍາທຳ ແລະ ເປັນແພດຂອງປະຊາຊົນຢ່າງແທ້ຈິງ; ພ້ອມເນັ້ນ ບາງບັນຫາທີ່ສາທາລະນະສຸກຕ້ອງໄດ້ເອົາໃຈໃສ່ຈັດຕັ້ງປະຕິບັດໃນຕໍ່ໜ້າ. ໃນໄລຍະຜ່ານມາ ພະນັກງານແພດໝໍໄດ້ເປັນຈິດໜຶ່ງໃຈດຽວຕໍ່ສູ້ຕ້ານພະບາດໂຄວິດ-19 ແລະ ໄດ້ຂະໜານນາມໃຫ້ກັບພະນັກງານແພດໝໍວ່າ ເປັນນັກຮົບເສື້ອຂາວ, ພ້ອມທັງໄດ້ເນັ້ນບາງບັນຫາທີ່ຂະແໜງສາທາລະ ນະສຸກ ຕ້ອງໄດ້ສືບຕໍ່ປະຕິບັດໃນຕໍ່ໜ້າ ເປັນຕົ້ນແມ່ນ ໃຫ້ສືບຕໍ່ມູນເຊື້ອແພດປະຕິວັດ, ໝັ່ນອ່ານ, ໝັ່ນຮຽນ, ສຶກສາໃຫ້ຮູ້ແທ້ວ່າແພດປະຕິວັດຄິດແນວໃດ, ເຮັດແນວໃດ, ທໍາຕົວແນວໃດ,

ໃນວັນທີ 27 ມັງກອນ 2021, ກົມອະນາໄມ ແລະ ສົ່ງເສີມສຸຂະພາບ, ສູນສຸຂະພາບແມ່ ແລະ ເດັກ, ກະຊວງສາທາລະນະສຸກ ໄດ້ຈັດພິທີການສັກຢາວັກແຊັງປ້ອງກັນພະຍາດໂຄວິດ-19 ໃຫ້ພະນັກງານ-ແພດໝໍ ທີ່ເປັນກຸ່ມສ່ຽງສູງ ຈຳນວນ 320 ທ່ານ ຢູ່ສອງຈຸດ ຄື: ໂຮງໝໍມິດຕະພາບ ແລະ ໂຮງໝໍເສດຖາທິລາດ ເພື່ອນໍາໃຊ້ວັກແຊັງທີ່ມີ ໃຫ້ເກີດປະໂຫຍດສູງສຸດກັບແພດໝໍ ທີ່ມີຄວາມສ່ຽງສູງ. ໃນຂະນະທີ່ເດືອນພະຈິກ ປີຜ່ານມາ ໄດ້ມີການຈັດຕັ້ງປະຕິບັດສັກແບບສຸກເສີນ ໃນກຸ່ມຄົນແພດໝໍ, ພະນັກງານຜູ້ເຮັດວຽກຢູ່ຈຸດຜ່ານແດນ, ພະນັກງານຢູ່ສູນຈໍາກັດບໍລິເວນແລ້ວຈໍານວນ 298 ຄົນ, ສັກຄົບ 2 ເຂັມແລ້ວ ຈໍານວນ 125 ຄົນ ແລະ ຍັງຄ້າງບໍ່ທັນໄດ້ສັກເຂັມທີ 2 ຈຳນວນ 173 ຄົນ, ເຊິ່ງໄດ້ໃຊ້ວັກແຊັງທັງໝົດ 423 ໂດສ, ທັງໝົດແມ່ນບໍ່ມີອາການຜິດປົກກະຕິ ແລະ ຄາດວ່າໝົດປີນີ້ຈະສັກວັກແຊັງດັ່ງກ່າວ, ໃຫ້ໄດ້ປະມານ 1,5 ລ້ານຄົນ, ກວມເອົາ

ທ່ານ ດຣ.ນ.ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ໃນ ສປປ ລາວ ໂດຍຕອນນີ້ ຄົນເຈັບທີ່ຕິດເຊື້ອໂຄວິດ-19 ໄດ້ປິ່ນປົວຫາຍດີ ອອກໂຮງໝໍໝົດທຸກຄົນແລ້ວ ແລະ ກັບໄປຕິດຕາມອາການຂອງຕົນເອງຢູ່ເຮືອນຈົນຄົບ 14 ວັນ, ດ້ານການເກັບຕົວຢ່າງມາກວດວິເຄາະ ນັບແຕ່ເດືອນມັງກອນ 2020 ຮອດປັດຈຸບັນ ເກັບຕົວຢ່າງມາກວດທັງໝົດ 98.951 ຕົວຢ່າງ. ທ່ານຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ໄດ້ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ຖະແຫຼງຂ່າວລາຍງານ ສະພາບການລະບາດຂອງພະຍາດໂຄວິດ-19 ປະຈໍາວັນທີ 18 ມັງກອນ 2021 ວ່າ: ມາຮອດ 5 ໂມງແລງ ຂອງວັນທີ 17 ມັງກອນ 2021 ທົ່ວປະເທດມີຜູ້ເດີນທາງເຂົ້າມາ ມີທັງໝົດ 2.263 ຄົນ; ເຊິ່ງທຸກຄົນແມ່ນໄດ້ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ ແລ້ວຈຶ່ງນຳສົ່ງໄປຫາສະຖານທີ່ ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ

ມາຮອດວັນທີ 12 ມັງກອນ 2021, ທົ່ວໂລກມີການລາຍງານການລະບາດ ທັງໝົດ 218 (ປະເທດ/ເຂດ); ເຊິ່ງມີການຢັ້ງຢືນຜູ້ຕິດເຊື້ອ ພະຍາດ COVID-19 ແມ່ນ 91,231,913ຄົນ ເສຍຊິວິດ1,951,221ຄົນ ກວມເອົາ 2.13% ຂອງຜູ້ຕິດເຊື້ອທັງໝົດ; ປີ່ນດີ 65,114,613ຄົນ ກວມເອົາ71.3% ຂອງຜູ້ຕິດເຊື້ອທັງໝົດ ປະເທດທີ່ມີລາຍງານການຕິດເຊື້ອແລະເສຍຊີວິດຫຼາຍກວ່າໝູ່ແມ່ນສະຫະລັດອາເມຣິກາ ມີຜູ້ຕິດເຊື້ອສະສົມ 23,092,245ຄົນ ແລະເສຍຊີວິດສະສົມ 384,725ຄົນ ທ່ານ ຮສ.ດຣ.ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ການລະບາດຂອງພະຍາດCOVID-19 ຖະແຫລງຕໍ່ສື່ມວນຊົນ ຕອນເຊົ້າວັນທີ 12 ມັງກອນ 2021 ທີ່ກະຊວງສາທາລະນະສຸກ ເຖິງສະພາບການລະບາດຂອງພະຍາດໂຄວິດ19 ວ່າ: ຢູ່ຂົງເຂດອາຊີ ແມ່ນປະເທດອິນເດຍ ມີຜູ້ຕິດເຊື້ອເປັນອັນດັບ 2 ຂອງໂລກ, ມີຜູ້ຕິດເຊື້ອສະສົມ10,479,879ຄົນ ໃນບັນດາກຸ່ມປະເທດອາຊຽນມາຮອດ ວັນທີ 12ມັງກອນ 2021