ສູນການແພດຟື້ນຟູໜ້າທີ່ການ ກະຊວງສາທາລະນະສຸກ ຈັດກອງປະຊຸມສະຫຼຸບທ້າຍໂຄງການ ໂຄຼບ COPE

ສູນການແພດຟື້ນຟູໜ້າທີ່ການ ກະຊວງສາທາລະນະສຸກ ຈັດກອງປະຊຸມສະຫຼຸບທ້າຍໂຄງການ ໂຄຼບ COPE ໄລຍະ IV ປີ 2019-2024 ແລະ ທິດທາງແຜນການຂອງໂຄງການ, ຜ່ານບົດສະຫຼຸບການຈັດຕັ້ງປະຕິບັດວຽກງານຜ່ານມາໃນການເຂົ້າເຖີງການບໍລິການຟຶ້ນຟູດ້ານອົງຄະທຽມ ແລະ ເຄື່ອງຄໍ້າຊູ, ສະໜອງອຸປະ ກອນອົງຄະທຽມ, ສ້າງຕັ້ງລະບົບສົ່ງຕໍ່ຄົນເຈັບ, ປັບປຸງລະບົບຕິດຕາມເກັບກຳຂໍ້ມູນຄົນເຈັບ ຢູ່ ສປປ ລາວ ແລະ ນຳສະເໜີທິດທາງແຜນການຕໍ່ໂຄງການ MOU ເພື່ອສືບຕໍ່ວຽກງານໄລຍະ V ປີ 2024-2029 ນໍາສະເໜີໂດຍ ທ່ານ ນາງ ເມດຕາ ທິບພະວົງ ຫົວໜ້າໂຄງການ ໂຄຼບ COPE.ໂດຍການເຂົ້າຮ່ວມເປັນປະທານຂອງ ທ່ານ ດຣ ສະໜອງ ທອງຊະນະ ຮອງລັດຖະມົນຕີກະຊວງສາທາລະນະສຸກ ທ່ານ ດຣ ທອງເພັດ ສິດທິວັນ ຫົວໜ້າສູນການແພດຟືນຟູໜ້າທີ່ການ ມີບັນດາຜູ້ແທນຈາກ ນະຄອນຫຼວງວຽງຈັນ, ແຂວງຫຼວງພະບາງ, ອຸດົມໄຊ, ຊຽງຂວາງ, ຈຳປາສັກ, ສະຫັວນນະເຂດ ແລະ ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ.