admin

   ວັນທີ 15 ຕຸລາ 2024, ທີ່ນະຄອນຫຼວງວຽງຈັນ, ສປປ ລາວ: ກະຊວງສາທາລະນະສຸກ ໄດ້ມີການເຜີຍແຜ່ 3 ກົດໝາຍໃນຂົງເຂດສາທາລະນະສຸກ ສະບັບໃໝ່ 2 ສະບັບ (ກົດໝາຍ ວ່າດ້ວຍສາທາລະນະສຸກ ແລະ ກົດໝາຍ ວ່າດ້ວຍການຮັກສາສຸຂະພາບຂັ້ນຕົ້ນ) ແລະ ສະບັບປັບປຸງ 1 ສະບັບ (ກົດໝາຍ ວ່າດ້ວຍການປິ່ນປົວ) ເຊິ່ງມີເປົ້າໝາຍສ້າງຄວາມເຂັ້ມແຂງໃຫ້ແກ່ລະບົບສາທາລະນະສຸກຂອງ ສປປ ລາວ ແລະ ຍົກສູງສຸຂະພາບ ແລະ ຊີວິດການເປັນຢູ່ຂອງປະຊາຊົນລາວ, ໂດຍການເປັນປະທານຂອງ ທ່ານ ດຣ ສະໜອງ ທອງຊະນະ, ຮອງລັດຖະມົນຕີກະຊວງສາທາລະນະສຸກ, ໄດ້ມີຕາງໜ້າຈາກບັນດາກະຊວງ, ອົງການຈັດຕັ້ງສາກົນ, ຄະນະຫ້ອງການກະຊວງ, ບັນດາຫົວໜ້າກົມ, ຮອງກົມ, ຫົວໜ້າ ແລະ ຮອງສະຖາບັນ, ຜູ້ອຳນວຍການໂຮງໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ດຣ ສະໜອງ ທອງຊະນະ, ຮອງລັດຖະມົນຕີ […]

ກອງປະຊຸມໃຫຍ່ຄັ້ງທີ່ III ຂອງໜ່ວຍພັກຮາກຖານຫ້ອງການປະກັນສຸຂະພາບແຫ່ງຊາດ ໄດ້ເປີດຂື້ນຢ່າງເປັນທາງການ, ເປັນກຽດເຂົ້າຮ່ວມກອງປະຊຸມໂດຍ ສະຫາຍ ປະລິນຍາເອກ ດຣ. ບຸນແຝງ ພູມມະໄລສິດ, ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີ ກະຊວງສາທາລະນະສຸກ ພ້ອມທັງເປັນປະທານກອງປະຊຸມ, ສະຫາຍ ນ. ອາພອນ ວິຊາເທບ, ກໍາມະການປະຈໍາພັກກະຊວງ, ຫົວໜ້າຫ້ອງການກະຊວງສາທາລະນະສຸກ, ສະຫາຍ ປອ. ພູວັງ ສຸ້ຍຍະວົງ ຮອງເລຂາຄະນະພັກ, ຫົວໜ້າຫ້ອງການປະກັນສຸຂະພາບແຫ່ງຊາດ, ເປັນຄະນະປະທານຊີ້ນໍາບັ້ນດໍາເນີນຊີວິດການເມືອງ, ມີບັນດາແຂກຖືກເຊີນ ພ້ອມທັງສະມາຊິກພັກສົມບູນ ແລະ ຕາງໜ້າຫ້ອງການ ກະຊວງສາທາລະນະສຸກ, ກົມຈັດຕັ້ງ ແລະ ພະນັກງານ, ກົມກວດກາ, ກົມອາຫານ ແລະ ຢາ ແລະ ກົມແຜນການ ແລະ ການເງິນ ພ້ອມດ້ວຍສະມາຊິກພັກສົມບູນ, ສໍາຮອງ ເຂົ້າຮ່ວມທັງໝົດ 37 ສະຫາຍ, ກອງປະຊຸມໄດ້ເຫັນດີເປັນເອກະພາບຕໍ່ບົດລາຍງານການເມືອງຂອງຄະນະໜ່ວຍພັກຮາກຖານຊຸດເກົ່າໃນໄລຍະຜ່ານມາ 2019-2024 ແລະ ທິດທາງແຜນການປີ 2025-2030 ຈາກນັ້ນໄດ້ດໍາເນີນເລືອກຕັ້ງເອົາຄະນະໜ່ວຍພັກຊຸດໃໝ່,

ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ລີ ສຽງ ນາຍົກລັດຖະມົນຕີ ສປ ຈີນ ໄດ້ໃຫ້ກຽດເຂົ້າຮ່ວມ ພິທີເປີດປ້າຍສຳເລັດກໍ່ສ້າງອາຄານ ໂຮງໝໍມະໂຫສົດ ໂດຍການຊ່ວຍເຫຼືອລ້າຈາກ ລັດຖະບານ ສປ ຈີນ, ນອກຈາກທ່ານນາຍົກລັດຖະມົນຕີແຫ່ງ ສປປ ລາວ ແລະ ນາຍົກລັດຖະມົນຕີ ສປ ຈີນ ແລ້ວຍັງມີ ທ່ານ ສຈ ປອ. ດຣ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ທ່ານ ປອ. ເພັດ ພົມພິພັກ ລັດຖະມົນຕີ ກະຊວງແຜນການ ແລະການລົງທຶນ ທ່ານ ປອ. ບົວຄົງ ນາມມະວົງ ລັດຖະມົນຕີ ຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ ທ່ານ ໂພໄຊ ໄຂຄຳພິທູນ ຮອງລັດຖະມົນຕີກະຊວງການຕ່າງປະເທດ

ທ່ານລັດຖະມົນຕີກະຊວງສາທາລະນະສຸກ ໄດ້ລົງຊຸກຍູ້ ແລະ ໃຫ້ກຳລັງໃຈທີມແພດ ທີ່ປະຈຳຢູ່ໃນກອງປະຊຸມສຸດຍອດອາຊຽນ ຄັ້ງທີ 44 ແລະ 45 ທີ່ ສປປ ລາວ ໄດ້ຮັບກຽດເປັນເຈົ້າພາບ.

ທ່ານ ປອ. ດຣ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ພ້ອມດ້ວຍຄະນະຫ້ອງການກະຊວງສາທາ, ກົມກອງ, ສູນ ທີ່ກ່ຽວຂ້ອງໄດ້ຕ້ອນການເຂົ້າຢ້ຽມຄຳນັບ ແລະ ອໍາລາຂອງ ທ່ານ ນາງ. Sonami Tanaka ຫົວໜ້າທະນະຄານພັດທະນາອາຊີ ປະຈໍາລາວ (ADB ), ທ່ານໄດ້ສໍາເລັດໜ້າທີ່ວຽກງານ ຢູ່ ສປປ ລາວ ໃນວັນທີ 7-17 ຕຸລາ 2024, ຈາກນັ້ນ, ທ່ານລັດຖະມົນຕີ ກະຊວງສາທາລະນະສຸກໄດ້ສະແດງຄວາມຊົມເຊີຍທີ່ທ່ານໄດ້ປະຕິບັດໜ້າທີ່ວຽກງານ ຢູ່ ສປປ ລາວ ສໍາລັດ ແລະ ຂໍໃຫ້ທ່ານເດີນທາງກັບຄືນປະເທດດ້ວຍຄວາມປອດໄພ. ວັນທີ 9 ຕຸລາ 2024 ທີ່ ກະຊວງສາທາລະນະສຸກ .

ທ່ານ ດຣ. ໄພວັນ ແກ້ວປະເສີດ, ຮອງລັດຖະມົນກະຊວງສາທາລະນະສຸກ, ລົງຕິດຕາມການຝຶກຊ້ອມຮັບສົ່ງຄົນເຈັບຜ່ານເຄື່ອງບິນ ທີ່ໂຮງໝໍມະໂຫສົດ ແລະ ການກະກຽມຄວາມພ້ອມຂອງທິມແພດ ປະຈຳໃນຈຸດບໍລິການຕ່າງໆ ໃນການຮັບໃຊ້ກອງປະຊຸມອາຊຽນ ຄັ້ງທີ 44 ແລະ 45 ທີ່ລາວເປັນເຈົ້າພາບ.  

ຂະແໜງສາທາລະນະສຸກ ນໍາໃຊ້ແພດໝໍຫລາຍກວ່າ 100 ຄົນ ຮັບໃຊ້ກອງປະຊຸມສຸດຍອດອາຊຽນ ຄັ້ງທີ 44 ແລະ 45, ແລະ ບັນດາກອງປະຊຸມປິ່ນອ້ອມ ເຊິ່ງຈະຈັດຂຶ້ນ ຢ່າງເປັນທາງການໃນລະຫວ່າງວັນທີ 8-11 ຕຸລາ 2024. ດຣ. ໄພວັນ ແກ້ວປະເສີດ, ຮອງລັດຖະມົນຕີກະຊວງສາທາລະນະສຸກ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 4 ຕຸລາ 2024 ວ່າ: ຂະແໜງສາທາລະນະສຸກ ໄດ້ຖືກມອບໝາຍໃຫ້ຮັບຜິດຊອບວຽກງານການແພດ ແລະ ການປິ່ນປົວສຸກເສີນ ເຊິ່ງນໍາໃຊ້ແພດໝໍ ຫລາຍກວ່າ 100 ຄົນ. ໃນນີ້ ໄດ້ກະກຽມຢາປົວພະຍາດ, ອຸະປະກອນການແພດ, ການສະໜອງເລືອດ, ການກວດກາຄວາມປອດໄພຂອງອາຫານ, ພາຫະນະຮັບໃຊ້ສໍາລັບຂົນ ສົ່ງຄົນເຈັບ ຈໍານວນ 16 ຄັນ. ນອກຈາກນີ້ ຍັງໄດ້ນໍາໃຊ້ລົດຂົນສົ່ງຄົນເຈັບທີ່ມີອຸປະກອນສໍາຄັນຄົບຊຸດ ໂດຍລະດົມມາຈາກ 5 ໂຮງໝໍສູນກາງ ຈໍານວນ 10 ຄັນ. ແພດໝໍທັງໝົດນີ້ ແມ່ນຖືກສົ່ງໄປປະຈໍາການຮັບໃຊ້ຢູ່ແຕ່ລະຈຸດສໍາຄັນ ເຊັ່ນ:

ມະຫາວິທະຍາໄລ ວິທະຍາສາດ ສຸຂະພາບ ໄດ້ມີພິທີປະກາດຮັບຮອງ ສາດສະດາຈານພິເສດ, ສາດສະດາຈານກິດຕິມະສັກ ແລະ ໃບຍ້ອງຍໍໃຫ້ແກ່ອາຈານສິດສອນຈາກໂຮງໝໍ, ສູນ, ໂຮງງານສະຖາບັນສົກປີສຶກສາ 2023-2024. ໂດຍການເປັນປະທານ ຂອງ ທ່ານ ປອ. ດຣ. ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ, ມີຄະນະນໍາ ຈາກກະຊວງສາທາລະນະສຸກ, ບັນດາກົມ, ສະຖາບັນ, ສູນອ້ອມຂ້າງ, ອະທິການບໍດີ ພ້ອມດ້ວຍ ພະນັກງານບຳນານ ແລະ ພາກສ່ວນທີ່ກ່ຽວຂ້ອງ ຄູ-ອາຈານ ແລະ ນັກສຶກສາ ກໍ່ໄດ້ເຂົ້າຮ່ວມ. ໃນໂອກາດດັ່ງກ່າວ ຜູ້ເຂົ້າຮ່ວມ ໄດ້ຮັບຟັງການເລົ່າປະຫວັດການສ້າງຕັ້ງ ມວສ, ການຮຽນ-ການສອນ ແລະ ຄວາມກ້າວໜ້າຂອງ ມວສ, ພ້ອມນັ້ນກໍ່ໄດ້ຮັບຊົມການອ່ານກອນ, ການສະແດງອື່ນໆ ຈາກນັກສຶກສາມະຫາວິທະຍາໄລ ວິທະຍາສາດ ສຸຂະພາບ. ວັນທີ 3 ຕຸລາ 2024. ທີ່ ມວສ ເຂດດົງໂພສີ.