admin

  ວັນທີ24 ເມສາ 2024, ທີ່ ນະຄອນຫຼວງວຽງຈັນ, ໄດ້ມີການຈັດພິທີຮັບຮອງແຜນງານສ້າງຄວາມເຂັ້ມແຂງໃຫ້ແກ່ລະບົບສາທາລະນະສຸກ ແລະ ການປົກຄອງທ້ອງຖິ່ນ ເພື່ອປັບປຸງສຸຂະພາບແມ່ ແລະ ເດັກ ແລະ ໂພຊະນາການ ຜ່ານວິທີການແບບຄອນເນັກ ຢູ່ ສປປ ລາວ ລະຫວ່າງກະຊວງສາທາລະນະສຸກ, ກະຊວງພາຍໃນ ແລະ ອົງການອະນາໄມໂລກ ເຊິ່ງສະໜັບສະໜູນໂດຍ ອົງການ USAID ຜ່ານອົງການອະນາໄມໂລກ ເຊິ່ງພາຍໃຕ້ແຜນງານດັ່ງກ່າວ ອົງການ USAID ມີເຈດຈຳນົງທີ່ຈະໃຫ້ການສະໜັບສະໜູນເປັນມູນຄ່າ 10 ລ້ານໂດລາສະຫະລັດ ເປັນເວລາ 5 ປີ. ພິທີດັ່ງກ່າວ ໄດ້ໃຫ້ກຽດເຂົ້າຮ່ວມໂດຍ ທ່ານ ປອ ດຣ ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກ, ທ່ານ ປອ ທອງຈັນ ມະນີໄຊ, ລັດຖະມົນຕີກະຊວງພາຍໃນ, ທ່ານ ນາງ ມິເຊວ ເອົ້າລໍ, ອຸປະທູດຮັກສາການຊົ່ວຄາວ ສະຫະລັດອາເມລິກາ ປະຈໍາ […]

ວຽກງານຮ່ວມມືດ້ານສາທາລະນະສຸກ ລະຫວ່າງລັດຖະບານລາວ-ລຸກຊໍາບວກ ໄດ້ເພີ້ມທະວີສູງຂື້ນໃນວັນທີ 08-04-2024 ທີ່ໂຮງແຮມດອນຈັນພາເລດ ນະຄອນຫລວງວຽງຈັນ, ໄດ້ມີ ກອງປະຊຸມຄະນະຊີ້ນໍາ ແຜນງານານດ້ານສາທາລະນະສຸກແລະໂພຊະນະການ ລາວ-ລຸກຊຳບວກ (LAO/035) ຄັ້ງທີ 2, ໂດຍໃຫ້ກຽດເຂົ້າຮ່ວມເປັນປະທານຂອງ ພະນະທ່ານ ປອ. ດຣ. ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກ, ແລະ ພະນະທ່ານ Thomas Lammar, ອຸປະທູດແຫ່ງຣາຊະອານາຈັກລຸກຊໍາບວກ. ໃນກອງປະຊຸມຍັງມີ ພະນັກງານຂັ້ນສູງຈາກ ກະຊວງແຜນການແລະການລົງທືນ, ກະຊວງການຕ່າງປະເທດ, ກະຊວງການເງິນ ແລະ ກະຊວງສາທາລະນະສຸກ, ນອກນີ້ ກໍຍັງມີ ອົງການ LuxDev, WHO, JICA, UNICEF, UNFPA, ແລະ ຫົວຫນ້າພະແນກສາທາ ລະນະສຸກແຂວງຂອງ ຂ.ວຽງຈັນ, ບໍລິຄໍາໄຊ, ຄໍາມ່ວນ ແລະ ບໍ່ແກ້ວ ກໍໄດ້ເຂົ້າຮ່ວມຢ່າງພ້ອມພຽງ. ຈຸດປະສົງຂອງກອງປະຊຸມ ກໍຄື ; ເພື່ອສະຫລຸບເຖີງຜົນສຳເລັດແລະຜົນໄດ້ຮັບ ໃນປີ 2023

ຄະນະບໍລິຫານງານຊາວໜຸ່ມກະຊວງສາທາລະນະສຸກ ໄດ້ຈັດກອງປະຊຸມ ສະຫຼຸບການຈັດຕັ້ງເຄື່ອນໄຫວປະຈຳປີ 2023 ແລະ ທິດທາງແຜນການ ປີ 2024 ຂອງຄະນະບໍລິຫານງານຊາວໜຸ່ມກະຊວງສາທາລະນະສຸກ ຂຶ້ນ, ໂດຍໃຫ້ກຽດເຂົ້າຮ່ວມເປັນທານຂອງ ທ່ານສະຫາຍ ດຣ ໄພວັນ ແກ້ວປະເສີດ, ກໍາມະການປະຈຳພັກກະຊວງ, ປະທານກວດກາພັກ, ຮອງລັດຖະມົນຕີກະຊວງສາທາລະສຸກ, ໂດຍມີ ຄະນະບໍລິຫານງານຊາວໜຸ່ມກະຊວງສາທາລະນະສຸກ, ບັນດາສະມາຊິກຊາວໜຸ່ມ ແລະ ບັນດາໜ່ວຍຮາກຖານຊາວໜຸ່ມຈຳນວນ 34 ຮາກຖານ ເຂົ້າຮ່ວມ. ກອງປະຊຸມດັ່ງກ່າວ ຜູ້ເຂົ້າຮ່ວມໄດ້ຮັບຟັງການລາຍງານກ່ຽວກັບການຈັດຕັ້ງຜັນຂະຫຍາຍມະຕິກອງປະຊຸມຄົບຄະນະຄັ້ງຜ່ານມາ ໂດຍສະເພາະແມ່ນ ບົດສະຫຼຸບລາຍງານການເຄື່ອນໄຫວຈັດຕັ້ງປະຕິບັດວຽກງານຂອງຄະນະບໍລິຫານງານກະຊວງສາທາລະນະສຸກ ທີ່ມີຄວາມພະຍາຍາມເອົາໃຈໃສ່ຢ່າງຕັ້ງໜ້າ, ສຸມທຸມກຳລັງແຮງ, ສະຕິປັນຍາຂອງຕົນເຂົ້າໃນການປະຕິບັດໜ້າທີ່, ທີ່ພັກ-ລັດໄດ້ມອບໝາຍໃຫ້ ເຊິ່ງຄະນະຊາວໝຸ່ມກະຊວງສາທາລະນະສຸກ ສາມາດຍາດມາໄດ້ຜົນງານອັນພົ້ນເດັ່ນຫຼາຍໆດ້ານອັນເປັນການປະກອບສ່ວນອັນໃຫຍ່ຫຼວງໃຫ້ແກ່ພະລາກິດປົກປັກຮັກສາ ແລະ ສ້າງສັນປະເທດຊາດຂອງພວກເຮົາໃຫ້ມີຜົນສຳເລັດຢ່າງໜ້າພຶງພໍໃຈ. ພ້ອມນັ້ນ ຍັງໄດ້ມີພີທີມອບ-ຮັບໃບຢັ້ງຢືນ 4 ບຸກປະຈໍາປີ 2023 ໃຫ້ຄະນະບໍລິຫານງານຊາວໜຸ່ມກະຊວງສາທາລະນະສຸກ, ບັນດາສະມາຊິກຊາວໜຸ່ມ ແລະ ບັນດາໜ່ວຍຮາກຖານຊາວໜຸ່ມຈຳນວນ 34 ຮາກຖານອີກດ້ວຍ.   ວັນທີ 8 ເມສາ 2024 ທີ່ກະຊວງສາທາລະນະສຸກ.

ໂຮງໝໍເຊດຖາທິຣາດ ໄດ້ຈັດປະຊຸມສະຫຼຸບການຈັດຕັ້ງປະຕິບັດວຽກງານ ປີ 2023 ແລະ ວາງທິດທາງແຜນການປີ 2024 ຂື້ນ ໂດຍການເຂົ້າຮ່ວມເປັນປະທານຂອງ ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ທ່ານ ດຣ ຫວັງນະຄອນ ດິດຕະພົງ ຜູ້ອຳນວຍການໂຮງໝໍເຊດຖາທິຣາດ ພ້ອມດ້ວຍບັນດາໂຮງໝໍຈາກສູນກາງ ແລະ ພະນັກງານແພດໝໍກໍ່ໄດ້ເຂົ້າຮ່ວມ,ຈາກນັ້ນຄະນະອຳນວຍການໂຮງໝໍເຊດຖາທິຣາດກໍ່ໄດ້ລາຍງານສະພາບລວມໂດຍຫຍໍ້ ຊຶ່ງມີເນຶ້ອໃນລະອຽດສົມຄວນ ແລະ ໃນນັ້ນໄດ້ຍົກໃຫ້ເຫັນຕົວເລກຄວາມຄຶບໜ້າໃນແຕ່ລະດ້ານຢ່າງຈະແຈ້ງ ລວມທັງການປະຕິບັດມາດຕະການປ້ອງກັນ, ຄວບຄຸມ ແລະ ທິດທາງແຜນວຽກຈຸດສຸມໃນຕໍ່ໜ້າ ແລະ ໄດ້ມີຫຼາຍຂະແໜງການເພີ່ມຂື້ນ ຖ້າທຽບໃສ່ ປີຜ່ານມາ ເຊັ່ນ : ການກວດເຂດນອກ, ສຸກເສິນ, ບໍລິການພິເສດ, ພະຍາດຕ່ອມຂັບຍ່ອຍໃນ, ພະຍາດເລຶອດ, ພະຍາດຊຶມເຊຶ້ອ, HIV/AIDS ພ້ອມທັງໄດ້ຊ່ວຍເຫຼືອໂຮງໝໍຂັ້ນແຂວງ, ຂັ້ນ ເມືອງ ແລະ ຂັ້ນສຸກສາລາ ທາງດ້ານວິຊາການຕາມການມອບໝາຍຈາກກະຊວງສາທາລະນະສຸກ, ຈາກນັ້ນກໍ່ໄດ້ວາງທິດທາງແຜນການປີ 2024.   ວັນທີ 29 ມີນາ 2024

ທ່ານ ດຣ. ໄພວັນ ແກ້ວປະເສີດ ຮອງລັດຖະມົນຕີ ກະຊວງສາທາລະນະສຸກ; ພ້ອມດ້ວຍໜ່ວຍງານທີ່ກ່ຽວຂ້ອງ ອົງການ UNODC, ກົມປິ່ນປົວ ແລະ ຟື້ນຟູໜ້າທີ່ການ; ຫ້ອງສາທາລະນະສຸກ ເມືອງຫາດຊາຍຟອງ; ໄດ້ລົງໄປຢ້ຽມຢາມ ແລະ ຕິດຕາມການຈັດຕັ້ງປະຕິບັດວຽກງານປິ່ນປົວ ແລະ ໃຫ້ຄຳປຶກສາຜູ້ຕິດສິ່ງເສບຕິດ ຢູ່ ໂຮງໝໍຊຸມຊົນ ເມືອງຫາດຊາຍຟອງ ເພື່ອຮັບຟັງການລາຍງານການຈັດຕັ້ງປະຕິບັດຜ່ານມາ ແລະ ຄວາມຄືບໜ້າຂອງວຽກງານດັ່ງກ່າວ ແລະ ເພື່ອຊຸກຍູ້ທີມງານປິ່ນປົວ ແລະ ໃຫ້ຄຳປຶກສາວຽກງານປິ່ນປົວຜູ້ຕິດສິ່ງເສບຕິດຂອງ ໂຮງໝໍຊຸມຊົນໄດ້ມີການເຄື່ອນໄຫວຢ່າງຕໍ່ເນື່ອງ. ທ່ານ ດຣ. ໄພວັນ ແກ້ວປະເສີດ ໄດ້ມີຄຳເຫັນ ແລະ ທິດຊີ້ນຳ ໃຫ້ແກ່ວຽກງານດັ່ງກ່າວຄື: 1) ໃຫ້ສືບຕໍ່ການໃຫ້ຄຳປຶກສາ ແລະ ການປິ່ນປົວ ອີງຕາມທິດຊີ້ນຳຂອງ ທ່ານ ນາຍົກລັດຖະມົນຕີ ກ່ຽວກັບ 2 ວາລະແຫ່ງຊາດ ໃນນັ້ນກໍ່ມີວຽກງານຢາເສບຕິດທີ່ຕິດພັນກັບຂະແໜງການສາທາລະນະສຸກ ກໍຄືການປິ່ນປົວຮັກສາຄົນເຈັບທີ່ເຂົ້າມາຮັກສາດ້ວຍຄວາມສະມັກໃຈ ແລະ ໃຫ້ທົດລອງນຳໃຊ້ຢາ ເມທາດອນ ໃນການປິ່ນປົວຮັກສາ; 2)

ກົມກວດກາ ກະຊວງສາທາລະນະສຸກ ໄດ້ຈັດກອງປະຊຸມ ສະຫຼຸບການຈັດຕັ້ງປະຕິບັດວຽກງານກວດກາ ຂອງຂະແໜງການສາທາລະນະສຸກ ຂຶ້ນ ພາຍໃຕ້ການເຂົ້າຮ່ວມເປັນປະທານ ຂອງ ທ່ານ ດຣ. ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ, ໂດຍມີ ຄະນະພັກຮາກຖານ, ບັນດາໜ່ວຍພັກຮາກຖານ ອ້ອມຂ້າງກະຊວງສາທາລະນະສຸກກໍ່ໄດ້ເຂົ້າຮ່ວມ. ກອງປະຊຸມດັ່ງກ່າວ ມີຄວາມໝາຍຄວາມສຳຄັນຫຼາຍ ຊື່ງພາກສ່ວນທີ່ກ່ຽວຂ້ອງຈະໄດ້ພ້ອມກັນຕີລາຄາຄືນການຈັດຕັ້ງປະຕິບັດວຽກງານກວດກາ ໃນປີ 2023 ຜ່ານມາ ແລະ ທິດທາງແຜນການປີ 2024. ນອກຈາກນັ້ນ ຍັງຈະໄດ້ຮັບຟັງການເຜີຍແຜ່ເອກະສານຂອງກອງປະຊຸມສະຫຼຸບວຽກງານກວດທົ່ວປະເທດ ທີ່ທາງຄະນະກວດກາສູນກາງພັກໄດ້ຈັດຂື້ນໃນຕົ້ນເດືອນມີນາ 2024 ທີ່ຜ່ານມາ ຖືວ່າເປັນເອກະສານທີ່ສຳຄັນຫຼາຍ ທີ່ຈະໄດ້ນຳດອົາໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດ ຢູ່ໃນຂອບເຂດຄວາມຮັບຜິດຊອບຂອງຕົນ ໃຫ້ໄດ້ຮັບຜົນດີ ເພື່ອເຮັດໃຫ້ວຽກງານກວດກາຢູ່ແຕ່ລະບ່ອນດີຂຶ້ນໄປເລື້ອຍໆ. ວັນທີ 1 ເມສາ 2024 ທີ່ກະຊວງສາທາລະນະສຸກ.

ມະຫາວິທະຍາໄລ ວິທະຍາສາດ ສຸຂະພາບ (ມວສ) ໄດ້ສະຫຼຸບຜົນງານການສຶກສາ ປີ 2022-2023 ແລະ ແຜນການປີ 2024 ຜົນສຳເລັດທີ່ສະແດງອອກມີຄື: ດ້ານການຮຽນ-ການສອນໄດ້ຈັດຕັ້ງໃນການຮຽນຈຳນວນ 40 ຫຼັກສູດ, ອະນຸປະລິນຍາຕໍ່ເນື່ອງ 02 ຫຼັກສູດ, ອະນຸປະລິນຍາ 04 ຫຼັກສູດ, ປະລິນຍາຕີ 13 ຫຼັກສູດ, ຫຼັງປະລິນຍາ 22 ຫຼັກສູດ, ໃນສົກປີ 2022-2023 ສາມາດສ້າງບຸກຂະລາກອນສາທາລະນະສຸກໄດ້ທັງໝົດ 744 ຄົນ, ເປັນຍິງ 482 ຄົນ ລະດັບອະນຸປະລິນຍາ ແລະ ປະລິນຍາຕີ 567 ຄົນ, ເປັນຍິງ 388 ຄົນ, ລະດັບຫຼັງປະລິນຍາຕີໄດ້ 177 ຄົນ ເປັນຍິງ 94 ຄົນ ແລະ ສຳເລັດການສອບເສັງເອົານັກສຶກສາເຂົ້າສົກຮຽນ ປີ 2023-2024 ລະດັບອະນຸປະລິນຍາ ແລະ ປະລິນຍາຕີທັງໝົດ

ພິທີຖະແຫຼງຄໍາໝາຍໝັ້ນຂອງລັດຖະບານວ່າດ້ວຍວຽກງານວາງແຜນຄອບຄົວ (FP2030) ກະຊວງສາທາລະນະສຸກ ກົມອະນາໄມ ແລະ ສົ່ງເສີມສຸຂະພາບ, ສູນສຸຂະພາບແມ່ ແລະ ເດັກ ໄດ້ວາງໂຄງການລິເລີ້ມການຮ່ວມມືໃນລະດັບສາກົນທີ່ມີຄວາມໝາຍໝັ້ນກ້າວສູ່ສິດທິໃນການວາງແຜນຄອບຄົວ, ຈຸດປະສົງ: ເພື່ອສ້າງຄວາມເຂັ້ມແຂງໃຫ້ແກ່ຈຸດປະສານງານພາຍໃນປະເທດເພື່ອ ສະໜັບສະໜູນການຈັດຕັ້ງປະຕິບັດຄໍາໝາຍໝັ້ນການວາງແຜນຄອບຄົວຂອງ ສປປ ລາວຢ່າງມີປະສິດທິຜົນລວມທັງຄໍາແນະນໍາ ແລະ ການສະໜັບສະໜູນຍຸດທະສາດໃນການພັດທະນາ ແຜນປະຕິບັດງານແຫ່ງຊາດ ກອງເລຂາ FP2030. ໂດຍການເຂົ້າຮ່ວມເປັນປະທານຂອງ ທ່ານ ສຈ. ປອ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ແຫ່ງ ສປປ ລາວ, Ms Sumita Banerjee, Dr Bakhtiyov Kadyrov, ທ່ານ ດຣ ສະໜອງ ທອງຊະນະ ຮອງລັດຖະມົນຕີກະຊວງ ສາທາລະນະສຸກ ມີບັນດາພາກສ່ວນທີ່ກ່ຽວຂ້ອງເຂົ້າຮ່ວມ. ໃນວັນທີ 29 ມີນາ 2024 ທີ່ ນະຄອນຫຼວງວຽງຈັນ