admin

ທ່ານ ດຣ. ໄພວັນ ແກ້ວປະເສີດ, ຮອງລັດຖະມົນຕີກະຊວງສາທາລະນະສຸກ, ຄະນະກຳມະການແກ້ໄຂຢາເສບຕິດລະດັບຊາດ, ເຂົ້າຮ່ວມພິທີທຳລາຍຢາເສບຕິດ ເນື່ອງໃນວັນແຫ່ງຊາດຕ້ານຢາເສບຕິດ ຄົບຮອບ 23 ປີ (ວັນທີ 12 ຕຸລາ 2001 ຫາ 12 ຕຸລາ 2024), ໃນວັນທີ 26 ຕຸລາ 2024, ທີ່ ນະຄອນຫຼວງວຽງຈັນ

ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ພ້ອມດ້ວຍຫົວໜ້າກົມປິ່ນປົວ, ຫົວໜ້າອຳນວຍການໂຮງໝໍມິດຕະພາບ ລົງຢ້ຽມຢາມ ແລະ ໃຫ້ກຳລັງໃຈທິມແພດທີ່ກຽມພ້ອມໃຫ້ບໍລິການສຸຂະພາບໃນໄລຍະກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ໃນລະຫວ່າງ ວັນທີ 17 ຫາ 23 ຕຸລາ 2024 ນະຄອນຫຼວງວຽງຈັນ, ເພື່ອຮັບປະກັນຄວາມປອດໄພທາງດ້ານສຸຂະພາບ ແກ່ຜູ້ແທນ ຈາກບັນດາປະເທດສະມາຊິກໄອປາ ແລະ ຜູ້ແທນຝ່າຍລາວ ທີ່ເຂົ້າຮ່ວມກອງປະຊຸມ (20 ຕຸລາ 2024)

ທ່ານ ດຣ ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ ລົງຕິດຕາມ ແລະ ໃຫ້ກຳລັງໃຈທິມແພດທີ່ກຽມພ້ອມໃຫ້ບໍລິການສຸຂະພາບໃນກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ໃນລະຫວ່າງ ວັນທີ 17 ຫາ 23 ຕຸລາ 2024 ນະຄອນຫຼວງວຽງຈັນ, ເພື່ອຮັບປະກັນຄວາມປອດໄພທາງດ້ານສຸຂະພາບ ແກ່ຜູ້ແທນ ຈາກບັນດາປະເທດສະມາຊິກໄອປາ ແລະ ຜູ້ແທນຝ່າຍລາວ ທີ່ເຂົ້າຮ່ວມກອງປະຊຸມ. 19 ຕຸລາ 2024.

ວັນທີ 18 ຕຸລາ 2024,ທີ່ນະຄອນຫຼວງວຽງຈັນ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ສາມຝ່າຍ ກ່ຽວກັບການຮ່ວມມື ແລະ ຊ່ວຍເຫຼືອລ້າ ໂຄງການສຸຂະພາບດີຈີຕອນ ລາວ-ຈີນ. ພາຍໃຕ້ການເຂົ້າຮ່ວມເປັນປະທານ ຂອງທ່ານ ດຣ. ສະໜອງ ທອງຊະນະ, ຮອງລັດຖະມົນຕີກະຊວງສາທາລະນະສຸກ, ມີທ່ານ ດຣ. ຈ້າງ ຊິວຫຼິ ປະທານບໍລິສັດຄຸ້ມຄອງສຸຂະພາບຕາມເງື່ອນໄຂ 24 ລາສີ ແສງຕາເວັນຈໍາກັດ ແຂວງຍຸນນານ ສປຈີນ; ທ່ານ ປອ ດຣ. ປອນເມກ ດາລາລອຍ ສາສະດາຈານ ກິດຕິມະສັກ ປະທານສະພາຄຸ້ມຄອງວິຊາຊີບປິ່ນປົວ, ມີທ່ານ ຫົວໜ້າສະຖາບັນ ສາທາລະນະສຸກສາດ ແລະ ພະຍາດເຂດຮ້ອນ ໃນນາມຄູ່ຮ່ວມມື; ມີທີ່ປຶກສາອາວຸໂສ ແລະ ວິທະຍາກອນ ສະຖາບັນສາທາລະນະສຸກສາດ ແລະ ການແພດເຂດຮ້ອນ, ທີ່ປືກສາໂຄງການຮ່ວມມື Laos-China Digital Health Project, ມີຮອງປະທານຄະນະກໍາມະການ ຮ່ວມມື ລາວ-ຈີນ;

ສູນປິ່ນປົວ ແລະ ຮັກສາສຸຂະພາບຕາ ກະຊວງສາທາລະນະສຸກ ໄດ້ຈັດ ພິທີສະເຫຼີມສະຫຼອງ ວັນສາຍຕາໂລກ ປີ 2024 ຂຶ້ນ, ເພື່ອໃຫ້ຮູ້ວ່າ ວັນສາຍຕາໂລກແມ່ນເປັນເຫດການໜື່ງໃນແຕ່ລະປີ ທີ່ທົ່ວໂລກໄດ້ພ້ອມກັນສະເຫຼີມສະຫຼອງ ເຊິ່ງໄດ້ມຸ້ງເນັ້ນ ແລະ ເຈາະຈົງເຖິງບັນຫາຂອງຕາບອດຢູ່ໃນທົ່ວໂລກ ເພື່ອສ້າງຄວາມຮູ້ສຶກ, ສ້າງຄວາມຮັບຮູ້ ແລະ ເຫັນໄດ້ຄວາມສຳຄັນ ຂອງປະຊາກອນໂລກ ໃນການປ້ອງກັນ, ຮັກສາສຸຂະພາບຕາ ເພື່ອຊ່ວຍຫລຸດຜ່ອນການເປັນຕາບອດ ແລະ ປ້ອງກັນບໍ່ໃຫ້ຕາບອດເກີດຂື້ນໃໝ່ ພ້ອມກັນນັ້ນກໍ່ໄດ້ລະດົມທຸກພາກສ່ວນກໍ່ຄືຜູ້ໃຈບຸນທັງຫຼາຍເຂົ້າມາມີສ່ວນຮ່ວມບໍລິຈາກ ເພື່ອເຮັດໃຫ້ການບໍລິການສຸຂະພາບຕາເຂົ້າເຖິງພໍ່ແມ່ປະຊາຊົນທຸກທົ່ວໜ້າ ລວມເຖິງຜູ້ທຸກຍາກທີ່ຢູ່ເຂດຫ່າງໄກສອກຫຼີກ. ພິທີດັ່ງກ່າວ ໄດ້ຮັບການເຂົ້າຮ່ວມຂອງ ທ່ານ ດຣ ສະໜອງ ທອງຊະນະ, ຮອງລັດຖະມົນຕີກະຊວງສາທາລະນະສຸກ, ມີຜູ້ເຂົ້າຮ່ວມຈາກຫ້ອງການກະຊວງ, ກົມ, ສູນ ແລະ ພາກສ່ວນຕ່າງໆທີ່ກ່ຽວຂ້ອງກໍ່ໄດ້ເຂົ້າຮ່ວມ. ການສະເຫຼີມສະຫຼອງຄັ້ງນີ້ ສູນປິ່ນປົວ ແລະ ຮັກສາສຸຂະພາບຕາ ໄດ້ຮ່ວມກັບ ສະຫະພັນນັກຮົບເກົ່າ ຈັດໃຫ້ມີການບໍລິການກວດສຸຂະພາບຕາ ແລະ ແຈກແວ່ນຕາໂດຍບໍ່ເສຍຄ່າ ພິເສດຖ້າພົບຄົນເຈັບຕາມົວ, ຕາບໍ່ເຫັນຮຸ່ງ ຫຼື ຕາບອດຍ້ອນພະຍາດຕາຂຸ້ນ ແມ່ນຈະໄດ້ບໍລິການຜ່າຕັດແກ່ນຕາໃຫ້ໂດຍບໍ່ໄດ້ເສຍຄ່າອີກດ້ວຍ,

   ວັນທີ 15 ຕຸລາ 2024, ທີ່ນະຄອນຫຼວງວຽງຈັນ, ສປປ ລາວ: ກະຊວງສາທາລະນະສຸກ ໄດ້ມີການເຜີຍແຜ່ 3 ກົດໝາຍໃນຂົງເຂດສາທາລະນະສຸກ ສະບັບໃໝ່ 2 ສະບັບ (ກົດໝາຍ ວ່າດ້ວຍສາທາລະນະສຸກ ແລະ ກົດໝາຍ ວ່າດ້ວຍການຮັກສາສຸຂະພາບຂັ້ນຕົ້ນ) ແລະ ສະບັບປັບປຸງ 1 ສະບັບ (ກົດໝາຍ ວ່າດ້ວຍການປິ່ນປົວ) ເຊິ່ງມີເປົ້າໝາຍສ້າງຄວາມເຂັ້ມແຂງໃຫ້ແກ່ລະບົບສາທາລະນະສຸກຂອງ ສປປ ລາວ ແລະ ຍົກສູງສຸຂະພາບ ແລະ ຊີວິດການເປັນຢູ່ຂອງປະຊາຊົນລາວ, ໂດຍການເປັນປະທານຂອງ ທ່ານ ດຣ ສະໜອງ ທອງຊະນະ, ຮອງລັດຖະມົນຕີກະຊວງສາທາລະນະສຸກ, ໄດ້ມີຕາງໜ້າຈາກບັນດາກະຊວງ, ອົງການຈັດຕັ້ງສາກົນ, ຄະນະຫ້ອງການກະຊວງ, ບັນດາຫົວໜ້າກົມ, ຮອງກົມ, ຫົວໜ້າ ແລະ ຮອງສະຖາບັນ, ຜູ້ອຳນວຍການໂຮງໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ດຣ ສະໜອງ ທອງຊະນະ, ຮອງລັດຖະມົນຕີ

ກອງປະຊຸມໃຫຍ່ຄັ້ງທີ່ III ຂອງໜ່ວຍພັກຮາກຖານຫ້ອງການປະກັນສຸຂະພາບແຫ່ງຊາດ ໄດ້ເປີດຂື້ນຢ່າງເປັນທາງການ, ເປັນກຽດເຂົ້າຮ່ວມກອງປະຊຸມໂດຍ ສະຫາຍ ປະລິນຍາເອກ ດຣ. ບຸນແຝງ ພູມມະໄລສິດ, ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີ ກະຊວງສາທາລະນະສຸກ ພ້ອມທັງເປັນປະທານກອງປະຊຸມ, ສະຫາຍ ນ. ອາພອນ ວິຊາເທບ, ກໍາມະການປະຈໍາພັກກະຊວງ, ຫົວໜ້າຫ້ອງການກະຊວງສາທາລະນະສຸກ, ສະຫາຍ ປອ. ພູວັງ ສຸ້ຍຍະວົງ ຮອງເລຂາຄະນະພັກ, ຫົວໜ້າຫ້ອງການປະກັນສຸຂະພາບແຫ່ງຊາດ, ເປັນຄະນະປະທານຊີ້ນໍາບັ້ນດໍາເນີນຊີວິດການເມືອງ, ມີບັນດາແຂກຖືກເຊີນ ພ້ອມທັງສະມາຊິກພັກສົມບູນ ແລະ ຕາງໜ້າຫ້ອງການ ກະຊວງສາທາລະນະສຸກ, ກົມຈັດຕັ້ງ ແລະ ພະນັກງານ, ກົມກວດກາ, ກົມອາຫານ ແລະ ຢາ ແລະ ກົມແຜນການ ແລະ ການເງິນ ພ້ອມດ້ວຍສະມາຊິກພັກສົມບູນ, ສໍາຮອງ ເຂົ້າຮ່ວມທັງໝົດ 37 ສະຫາຍ, ກອງປະຊຸມໄດ້ເຫັນດີເປັນເອກະພາບຕໍ່ບົດລາຍງານການເມືອງຂອງຄະນະໜ່ວຍພັກຮາກຖານຊຸດເກົ່າໃນໄລຍະຜ່ານມາ 2019-2024 ແລະ ທິດທາງແຜນການປີ 2025-2030 ຈາກນັ້ນໄດ້ດໍາເນີນເລືອກຕັ້ງເອົາຄະນະໜ່ວຍພັກຊຸດໃໝ່,

ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ລີ ສຽງ ນາຍົກລັດຖະມົນຕີ ສປ ຈີນ ໄດ້ໃຫ້ກຽດເຂົ້າຮ່ວມ ພິທີເປີດປ້າຍສຳເລັດກໍ່ສ້າງອາຄານ ໂຮງໝໍມະໂຫສົດ ໂດຍການຊ່ວຍເຫຼືອລ້າຈາກ ລັດຖະບານ ສປ ຈີນ, ນອກຈາກທ່ານນາຍົກລັດຖະມົນຕີແຫ່ງ ສປປ ລາວ ແລະ ນາຍົກລັດຖະມົນຕີ ສປ ຈີນ ແລ້ວຍັງມີ ທ່ານ ສຈ ປອ. ດຣ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ທ່ານ ປອ. ເພັດ ພົມພິພັກ ລັດຖະມົນຕີ ກະຊວງແຜນການ ແລະການລົງທຶນ ທ່ານ ປອ. ບົວຄົງ ນາມມະວົງ ລັດຖະມົນຕີ ຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ ທ່ານ ໂພໄຊ ໄຂຄຳພິທູນ ຮອງລັດຖະມົນຕີກະຊວງການຕ່າງປະເທດ