ກອງປະຊຸມໃຫຍ່ຄັ້ງທີ VI ຂອງໜ່ວຍພັກຮາກຖານສະຖາບັນສາທາລະນະສຸກສາດ ແລະ ການແພດເຂດຮ້ອນ

  

ກອງປະຊຸມໃຫຍ່ຄັ້ງທີ VI ຂອງໜ່ວຍພັກຮາກຖານສະຖາບັນສາທາລະນະສຸກສາດ ແລະ ການແພດເຂດຮ້ອນ, ກະຊວງສາທາລະນະສຸກ ໄດ້ເປີດຂື້ນຢ່າງເປັນ ທາງການ ໃນວັນທີ່ 23/9/2024, ໃຫ້ກຽດເຂົ້າຮ່ວມເປັນປະທານໂດຍ ສະຫາຍ ປະຣິນຍາເອກ ດຣ. ບຸນແຝງ ພູມມະໄລສິດ ກໍາມະການ ສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງສາທາລະນະສຸກ, ສະຫາຍ ຮສ ດຣ ບຸນຖົມ ຊາມົນຕີ ຄະນະປະຈໍາພັກ ຄະນະພັະກະຊວງ, ອະທິການບໍດີ ມະຫາວິທະຍາໄລວທະຍາສາດສຸຂະພາບ ຫົວໜ້າທີມງານ ສາຍແຜນງານທີ່ 5 ເປັນຄະນະປະທານ, ສະຫາຍ ປທ ດຣ. ນ. ລັດສະໝີ ສຽງສູນທອນ, ເລຂາໜ່ວຍພັກ, ຫົວໜ້າສະຖາບັນສາທາລະນະສຸກສາດ ແລະ ການແພດເຂດຮ້ອນ, ກະຊວງສາທາລະນະສຸກ ເປັນ ຄະນະປະທານ, ມີບັນດາແຂກຖືກເຊີນ ພ້ອມທັງສະມາຊິກພັກສົມບູນ ແລະ ຕາງໜ້າຂອງ 03 ອົງ ການຈັດຕັ້ງມະຫາຊົນເຂົ້າຮ່ວມ ທັງໝົດ 34 ສະຫາຍ, ມີສະມາຊິກພັກສົມບູນທີ່ມີສິດປ່ອນບັດຄັດເລືອກທັງໝົດ 15 ສະຫາຍ, ຍິງ 10 ສະຫາຍ, ກອງປະຊຸມໄດ້ເຫັນດີເປັນເອກະພາບກັນຢ່າງສົມບູນ ຕໍ່ບົດລາຍງານການເມືອງ ຂອງຄະນະໜ່ວຍ ພັກຊຸດເກົ່າ ໃນໄລຍະຜ່ານມາ 2019 ຫາ 2024 ແລະ ທິດທາງແຜນການ 2025-2029, ກອງປະຊຸມໄດ້ດໍາເນີນການເລືອກຕັ້ງ ເອົາຄະນະໜ່ວຍພັກຮາກຖານຊຸດໃໝ່ ຊຶ່ງມີຜູ້ເຂົ້າສະໝັກທັງໝົດ 05 ສະຫາຍ, ຄັດເລືອກເອົາ 03 ສະຫາຍ ເປັນຄະນະໜ່ວຍພັກຊຸດໃໝ່ ແລະ ຜົນຂອງການເລືອກຕັ້ງມີດັ່ງນີ້:

ສະຫາຍ ປອ ດຣ ນ. ຄໍາແພງ ຟອງລືຊາ, ເປັນເລຂາໜ່ວຍພັກ, ຊີ້ນຳລວມ, ລົງເລິກວຽກງານການເມືອງແນວຄິດ, ກໍ່ສ້າງ ແລະ ຂະຫຍາຍພັກ;

ສະຫາຍ ປອ. ດຣ ຊົມພູ ໄຊຍະສອນ, ເປັນຮອງເລຂາໜ່ວຍພັກ, ຊ່ວຍວຽກການເມືອງແນວຄິດ; ເປັນປະທານກວດກາພັກ ຮັບຜິດຊອບ ວຽກງານປ້ອງກັນຊາດ- ປ້ອງກັນຄວາມສະຫງົບ, ສະຫາຍ ປທ ດຣ ນ. ມະນີທອງ ວົງລໍຄໍາ, ເປັນກຳມະການໜ່ວຍພັກ, ຊີ້ນຳວຽກງານອົງການຈັດຕັ້ງມະຫາຊົນ, ສະຖິຕິພັກ ແລະ ດ້ານເສດຖະກິດການເງິນ ຂອງໜ່ວຍພັກ.ຫຼັງຈາກນັ້ນກອງປະຊຸມໄດ້ຮັບກຽດເປັນຢ່າງສູງຮັບຟັງການໂອ້ລົມໃຫ້ຄໍາຄິດຄໍາເຫັນຈາກສະຫາຍ ປະຣິນຍາເອກ ດຣ. ບຸນແຝງ ພູມມະໄລສິດ ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງສາທາລະນະສຸກສະຫາຍ ໄດ້ຍ້ອງຍໍຊົມເຊີຍຜົນງານ ແລະ ຜົນສຳເລັດ ອັນໃຫຍ່ຫຼວງທີ່ຍາດມາໄດ້ໃນຊຸມປີຜ່ານມາຂອງຄະນະໜ່ວຍພັກຊຸດເກົ່າ ເຊິ່ງໄດ້ສ້າງທ່ວງທ່າໃຫ້ແກ່ວຽກງານ ການຄົ້ນຄວ້າວິທະຍາສາດສາທາລະນະສຸກ ແລະ ສ້າງນັກສຶກສາປະຣິິນຍາໂທການແພດເຂດຮ້ອນ ແລະ ສາທາລະນະສຸກສາດ ລະຫວ່າງຊາດ ມີບາດກ້າວອັນໃໝ່, ພ້ອມດຽວກັນ ສະຫາຍຍັງໄດ້ຍົກບາງບັນຫາ ຂໍ້ຄົງຄ້າງ ແລະ ສິ່ງທ້າທາຍທີ່ທາງຄະນະໜ່ວຍພັກຊຸດໃໝ່ຈະຕ້ອງໄດ້ສືບຕໍ່ປັບປຸງແກ້ໄຂ ແລະ ພັດທະ ນາໃຫ້ມີຜົນສຳເລັດ.