ກອງປະຊຸມໃຫຍ່ຄັ້ງທີ IV ຂອງໜ່ວຍພັກຮາກຖານກົມອະນາໄມ ແລະ ສົ່ງເສີມສຸຂະພາບໄດ້ເປີດຂື້ນຢ່າງເປັນ ທາງການ, ໃຫ້ກຽດເຂົ້າຮ່ວມເປັນປະທານໂດຍ ສະຫາຍ ປະຣິນຍາເອກ ດຣ. ບຸນແຝງ ພູມມະໄລສິດ ກໍາມະການ ສູນກາງພັກ ເລຂາຄະນະພັກ, ລັດຖະມົນຕີກະຊວງສາທາລະນະສຸກ, ສະຫາຍ ປະຣິນຍາເອກ ດຣ. ບຸນຊູ ແກ້ວຫາວົງ ກຳມະການພັກກະຊວງ ຮອງຄະນະທິມງານ ທີ 1 ຫົວໜ້າກົມອາຫານ ແລະ ຢາ ເປັນ ຄະນະປະທານ, ສະຫາຍ ດຣ. ນ. ພອນປະເສີດ ໄຊຍະມຸງຄຸນ ຮັກສາການເລຂາໜ່ວຍພັກ, ຫົວໜ້າກົມອະນາໄມ ແລະ ສົ່ງເສີມສຸຂະພາບ ເປັນ ຄະນະປະທານ, ມີບັນດາແຂກຖືກເຊີນ ພ້ອມທັງສະມາຊິກພັກສົມບູນ ແລະ ຕາງໜ້າຂອງ 03 ອົງການຈັດຕັ້ງມະ ຫາຊົນເຂົ້າຮ່ວມ ທັງໝົດ 44 ສະຫາຍ, ມີສະມາຊິກພັກສົມບູນທີ່ມີສິດປ່ອນບັດຄັດເລືອກທັງໝົດ 16 ສະ ຫາຍ, ຍິງ 07 ສະ ຫາຍ,ກອງປະຊຸມໄດ້ເຫັນດີເປັນເອກະພາບກັນຢ່າງສົມບູນ ຕໍ່ບົດລາຍງານການເມືອງ ຂອງຄະນະໜ່ວຍ ພັກຊຸດເກົ່າ ໃນໄລຍະຜ່ານມາ 2019 ຫາ 2024 ແລະ ທິດທາງແຜນການ 2025-2029, ກອງປະຊຸມໄດ້ດໍາເນີນການເລືອກຕັ້ງ ເອົາຄະນະໜ່ວຍພັກຮາກຖານຊຸດໃໝ່ ຊຶ່ງມີຜູ້ເຂົ້າສະໝັກທັງໝົດ 05 ສະຫາຍ, ຄັດເລືອກເອົາ 03 ສະຫາຍ ເປັນຄະນະໜ່ວຍພັກຊຸດໃໝ່ ແລະ ຜົນຂອງການເລືອກຕັ້ງມີດັ່ງນີ້:
ສະຫາຍ ດຣ ນ. ພອນປະເສີດ ໄຊຍະມຸງຄຸນ ເປັນເລຂາໜ່ວຍພັກ, ຊີ້ນຳລວມ, ລົງເລິກວຽກງານການເມືອງແນວຄິດ, ກໍ່ສ້າງ ແລະ ຂະຫຍາຍພັກ;
ສະຫາຍ ປອ. ດຣ ເກດເກສອນ ພຣະສີສົມບັດ ເປັນຮອງເລຂາໜ່ວຍພັກ, ຊ່ວຍວຽກການເມືອງແນວຄິດ; ເປັນປະທານກວດກາພັກ ຮັບຜິດຊອບ ວຽກງານປ້ອງກັນຊາດ- ປ້ອງກັນຄວາມສະຫງົບ,
ສະຫາຍ ດຣ ນ.ລັດສະດາ ພະເມືອງ ເປັນກຳມະການໜ່ວຍພັກ, ຊີ້ນຳວຽກງານອົງການຈັດຕັ້ງມະຫາຊົນ, ສະຖິຕິພັກ ແລະ ດ້ານເສດຖະກິດການເງິນ ຂອງໜ່ວຍພັກ.
ຫຼັງຈາກນັ້ນກອງປະຊຸມໄດ້ຮັບກຽດເປັນຢ່າງສູງຮັບຟັງການໂອ້ລົມໃຫ້ຄໍາຄິດຄໍາເຫັນຈາກສະຫາຍ ປະຣິນຍາເອກ ດຣ. ບຸນແຝງ ພູມມະໄລສິດ ກໍາມະການສູນກາງພັກ ເລຂາຄະນະພັກ, ລັດຖະມົນຕີກະຊວງສາທາລະນະສຸກສະຫາຍໄດ້ຍ້ອງຍໍຊົມເຊີຍຜົນງານ ແລະ ຜົນສຳເລັດ ອັນໃຫຍ່ຫຼວງທີ່ຍາດມາໄດ້ໃນຊຸມປີຜ່ານມາຂອງຄະນະໜ່ວຍພັກຊຸດເກົ່າ ເຊິ່ງໄດ້ສ້າງທ່ວງທ່າໃຫ້ແກ່ວຽກງານ ອະນາໄມ ແລະ ສົ່ງເສີມສຸຂະພາບມີບາດກ້າວອັນໃໝ່, ພ້ອມດຽວກັນ ສະຫາຍຍັງໄດ້ຍົກບາງບັນຫາ ຂໍ້ຄົງຄ້າງ ແລະ ສິ່ງທ້າທາຍທີ່ທາງຄະນະໜ່ວຍພັກຊຸດໃໝ່ຈະຕ້ອງໄດ້ສືບຕໍ່ປັບປຸງແກ້ໄຂ ແລະ ພັດທະ ນາໃຫ້ມີຜົນສຳເລັດ.
ວັນທີ 23 ກັນຍາ 2024, ທີ່ຫ້ອງປະຊຸມຊັ້ນ 6 ກະຊວງສະທາລະນະສຸກ