ກະຊວງສາທາລະນະສຸກ ຈັດພິທີ ມອບ-ຮັບ ໃບຢັ້ງຢືນ ແລະ ປ້າຍຢັ້ງຢືນສຸຂານາໄມອາຫານ ໃຫ້ແກ່ຜູ້ປະກອບການໂຮງແຮມ, ຮ້ານອາຫານ ທີ່ຈະຮັບໃຊ້ກອງປະຊຸມ ສຸດຍອດອາຊຽນ ທີ່ ສປປ ລາວ ເປັນເຈົ້າພາບ ໃນປີ 2024. – ເພື່ອຮັບປະກັນທາງດ້ານອະນາໄມສິ່ງແວດລ້ອມ ແລະ ສຸຂານາໄມອາຫານ ໃຫ້ມີຄວາມສະອາດ, ປອດໄພ ຂອງບັນດາໂຮງແຮມ ແລະ ຮ້ານອານຫານ ໃນການກຽມຄວາມພ້ອມຮັບໃຊ້ ກອງປະຊຸມສຸດຍອດອາຊຽນ.– ເພື່ອມອບໃບຢັ້ງຢືນ ແລະ ປ້າຍຢັ້ງຢືນສຸຂານາໄມອາຫານ ໃຫ້ແກ່ຜູ້ປະກອບການ ທີ່ຜ່ານມາດຖານສຸຂານາໄມອາຫານ ຈາກກົມອະນາໄມ ແລະ ສົ່ງເສີມສຸຂະພາບ. ສັງລວມບັນດາທຸລະກິດໂຮງແຮມລະດັບ 4-5 ດາວ, ມີ 24 ໂຮງແຮມ ແລະ ຮ້ານອາຫານ ມີ 3 ແຫ່ງ ລວມທັງໝົດ 27 ແຫ່ງ ທີ່ໄດ້ຜ່ານການກວດ ແລະ ລົງຕິດຕາມ ບັນດາຫົວໜ່ວຍທຸລະກິດດັ່ງກ່າວ . ເປັນກຽດມອບໂດຍ ທ່ານ ດຣ ສະໜອງ ທອງຊະນະ ຮອງລັດຖະມົນຕີ ກະຊວງສາທາລະນະສຸກ, ທ່ານ ດຣ ພອນປະເສີດ ໄຊຍະມຸງຄຸນ ຫົວໜ້າກົມອະນາໄມ ແລະ ສົ່ງເສີມສຸຂະພາບ ມີຕາງໜ້າຫ້ອງການກະຊວງສາທາ, ສູນ, ຕາງໜ້າຈາກຫົວໜ່ວຍທຸລະກິດໂຮງແຮມ ແລະ ຮ້ານອາຫານ ກໍເປັນກຽດຂື້ນຮັບ, ມີພາກສ່ວນທີ່ກ່ຽວ ຂ້ອງໄດ້ເຂົ້າຮ່ວມ.
ວັນທີ 16 ກັນຍາ 2024, ທີ່ ກະຊວງສາທາລະນະສຸກ.
