ວັນທີ 27 ສິງຫາ 2024 ທີ່ຜ່ານມາ, ທີ່ກະຊວງສາທາລະນະສຸກ ທ່ານ ດຣ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ໄດ້ໃຫ້ກຽດຕ້ອນຮັບ ທ່ານ ສາດສະດາຈານ ນາກາໂຕ ນັດຊຶເມະ ອຳນວຍການ ມູນນິທິ ສົບແວ່ງ ເພດານໂຫວ່ຍີ່ປຸ່ນ, ຜູ້ປະຈຳການ ກອງເລຂາ ກົງສູນກິດຕິມະສັກລາວ ປະຈຳເມືອງນາໂກຢາ, ແຂວງໄອຈິ ພ້ອມດ້ວຍທີມງານ ເນື່ອງໃນໂອກາດທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ພ້ອມທັງປຶກສາຫາລືການປະຕິບັດໜ້າທີ່ທີ່ທີມງານໄດ້ມາຊ່ວຍເຫຼືອໃນການຜ່າຕັດ ສົບແວ່ງ ເພດານໂວ່ ໃຫ້ເດັກນ້ອຍລາວໄດ້ມີສຸຂະພາບໜ້າຕາທີ່ດີຂຶ້ນ ໃນໄລຍະທີ່ຜ່ານມາ, ໂດຍສະເພາະວຽກງານການຮ່ວມມືກັບໂຮງໝໍເຊດຖາທິຣາດເພື່ອຍົກສູງຄຸນນະພາບການບໍລິການດ້ານວິຊາການ ແລະ ຊ່ວຍເຫຼືອໂຮງໝໍໃຫ້ກາຍເປັນໂຮງໝໍທີ່ທັນສະໄໝໃນອະນາຄົດ.
