ກອງປະຊຸມໃຫຍ່ຄັ້ງທີ IV ຂອງໜ່ວຍພັກເຕັກນິກການແພດ ມະຫາວິທະຍາໄລ ວິທະຍາສາດ ສຸຂະພາບ ໄດ້ເປີດຂື້ນ ຢ່າງເປັນທາງການ ມີຜູ້ແທນເຂົ້າຮ່ວມທັງໝົດ 50 ສະຫາຍ, ສະມາຊິກພັກສົມບູນ 24 ສະຫາຍ, ສຳຮອງ 2 ສະຫາຍ, ໂດຍເປັນກຽດເຂົ້າຮ່ວມເປັນປະທານຮ່ວມຂອງ ສະຫາຍ ປອ. ດຣ. ບຸນແຝງ ພູມມະໄລສິດ ກໍາມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງສາທາລະນະສຸກ, ສະຫາຍ ຮສ.ດຣ. ບຸນຖົມ ຊາມົນຕຣີ, ກຳມະການປະຈຳພັກກະຊວງ, ເລຂາຄະນະພັກຮາກຖານ ມວສ. ອະທິການບໍດີ ມວສ. ຫົວໜ້າທີມງານທີ 5 ແລະ ທ່ານ ດຣ. ສົມໃຈ ລາດຊະວົງ ຄະນະພັກຮາກຖານ ເຕັກນິກການແພດ, ຮອງອະທິການບໍດີ ມວສ ແລະ ມີບັນດາຕາງໜ້າກົມຈັດຕັງພະນັກງານ, ກົວກວດກາ, ຄະນະແພດສາດ, ຄະນະສາທາລະນະສຸກສາດ ແລະ ພາກສ່ວນທີ່ກ່ຽວຂ້ອງກໍໄດ້ເຂົ້າຮ່ວມ. ຈຸດປະສົງຂອງກອງປະຊຸມ : – ເພື່ອສະຫຼຸບຕິລາຄາວຽກງານຂອງໜ່ວຍພັກຫ້ອງການບໍລິຫານໃນໄລຍະ 5 ປີ ຜ່ານມາ(2019-2024) ແລະ ທິດທາງແຜນການ 5 ປີ ຕໍ່ໜ້າ (2025-2030) – ເພື່ອເລືອກຕັ້ງເອົາ ຄະນະໜ່ວຍພັກຫ້ອງການບໍລິຫານຊຸດໃໝ່ ຜົນຂອງການເລຶອກຕັ້ງໄດ້ຕົກລົງເປັນເອກະພາບເລຶອກໄດ້ 3 ສະຫາຍ ຄື : ສະຫາຍ ຮສ. ປອ ນາລີ ຄຳອິນຊູ ເປັນເລຂາໜ່ວຍພັກຮາກຖານ ຮັບພິດຊອບຊີ້ນຳລວມ, ສະຫາຍ ນາງ. ສຸພາພອນ ວົງສັກ ເປັນຮອງເລຂາພັກ, ສະຫາຍ ນາງ ສິວິໃສ ສີຫາບຸດ ເປັນຄະນະກຳມະການ. ຈາກນັ້ນ ທ່ານປະທານໃດ້ໃຫ້ທິດຊີ້ນຳແກ່ຄະນະໜ່ວຍພັກຊຸດໃໝ່ ໃນການປັຍປຸງແກ້ໃຂຂໍ້ຄົງຄ້າງບາງວຽກງານ, ພ້ອມກັນຜັນຂະຫຍາຍທິດທາງແຜນການປີ 2025 – 2030 ຂອງໜ່ວຍພັກ ໃຫ້ວຽກງານການເມືອງມີການພັດທະນາຢ່າງຕັ້ງໜ້າ ແລະ ມີຜົນສຳເລັດ.