ຄຳຖະແຫຼງ ຂອງທ່ານ ນາຍົກລັດຖະມົນຕີ ກ່ຽວກັບສະພາບການສະກັດກັ້ນ ແລະ ຕ້ານການແຜ່ລະບາດ ຂອງພະຍາດ COVID-19 ຢູ່ ສປປ ລາວ
ພໍ່ແມ່, ພີ່ນ້ອງ ຊາວລາວ ໃນທົ່ວປະເທດ ທີ່ເຄົາລົບ ຮັກແພງ ທັງຫຼາຍ ! ໃນນາມລັດຖະບານ ແລະ ຕາງໜ້າ ໃຫ້ຄະນະສະເພາະກິດ ເພື່ອການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດ COVID-19 ຂ້າພະເຈົ້າ ຂໍແຈ້ງຂ່າວດີໃຫ້ພໍ່ແມ່ພີ່ນ້ອງຊາວລາວ ໃນທົ່ວປະເທດ ຊາບທົ່ວເຖິງກັນວ່າ : ມາຮອດມື້ນີ້, ວັນທີ 10 ມິຖຸນາ 2020 ຜູ້ຕິດເຊື້ອພະຍາດ COVID-19 ຢູ່ປະເທດເຮົາໄດ້ກາຍເປັນ ເລກ 0 ແລ້ວ. ຂ້າພະເຈົ້າ ຄິດວ່າປະຊາຊົນລາວ ຂອງພວກເຮົາຮູ້ຂ່າວນີ້ແລ້ວ ຕັ້ງແຕ່ມື້ວານນີ້ (ວັນທີ 09 ມິຖຸນາ 2020) ເພາະເປັນມື້ທີ່ ກະຊວງສາທາລະນະສຸກ ແລະ ໂຮງໝໍມິດຕະພາບ ໄດ້ປະກາດການອະນຸຍາດໃຫ້ຜູ້ຕິດເຊື້ອ ທີ່ປີ່ນປົວດີແລ້ວໄດ້ອອກໂຮງໝໍ ເປັນຄົນສຸດທ້າຍ ແລະ ແພດໝໍ […]