ກອງປະຊຸມໃຫຍ່ ຄັ້ງທີ V ຂອງໜ່ວຍພັກຮາກຖານສູນຕ້ານເອດ ແລະ ພະຍາດຕິດຕໍ່ທາງເພດສໍາພັນໄດ້ເປີດຂື້ນຢ່າງເປັນ ທາງການ, ໃຫ້ກຽດເຂົ້າຮ່ວມເປັນປະທານໂດຍ ສະຫາຍ ປອ ດຣ. ບຸນແຝງ ພູມ ມະໄລສິດ, ລັດຖະມົນຕີກະຊວງ ສາທາລະນະສຸກ, ສະຫາຍ ດຣ. ໄພວັນ ແກ້ວ ປະເສີດ ປະທານກວດກາພັກ, ຮອງລັດຖະມົນຕີກະຊວງສາທາລະນະສຸກ, ສະຫາຍ ດຣ ນ. ປານີນາ ພູມສະຫວັນ ເລຂາໜ່ວຍພັກ, ຫົວໜ້າ ສູນຕ້ານ ເອດ ແລະ ພະຍາດຕິດ ຕໍ່ທາງເພດສໍາພັນ ເປັນຄະນະປະທານ ແລະ ຜູ້ຕ່າງໜ້າກົມຈັດຕັ້ງ ແລະ ບັນດາແຂກຖືກເຊີນ ພ້ອມດ້ວຍສະມາຊິກພັກສົມບູນ, ສໍາຮອງ, ແລະ ສະມາຊິກພັກ ອາວຸໂສບໍານານເຂົ້າຮ່ວມ ທັງໝົດ 33 ສະຫາຍ, ຍິງ 16 ສະຫາຍ.ກອງປະຊຸມສະຫຼຸບຕິລາຄາວຽກງານໃນໄລ ຍະ 5 ປີ ຜ່ານມາ(2019-2024) ແລະ ທິດທາງແຜນການປີ 2025-2029 ແລ້ວໃດ້ເລືອກຕັ້ງເອົາຄະນະພັກຊຸດໃໝ່ 03 ສະຫາຍຄື:
ສະຫາຍ ດຣ ນ. ບົວທອງ ສີມະໂນວົງ ເປັນເລຂາໜ່ວຍພັກ ຮັບຜິດຊອບຊີ້ນໍາລວມ, ລົງເລີກວຽກງານການເມືອງແນວຄິດ
ສະຫາຍ ດຣ. ນ ສຸພັນທອງ ມະນີຈັນ ເປັນ ຮອງເລຂາໜ່ວຍ ພັກ, ເປັນປະທານກວດກາພັກ
ສະຫາຍ ດຣ. ຂັນຕິ ທອງຄໍາ ເປັນກໍາມະການໜ່ວຍພັກຫຼັງຈາກນັ້ນ ສະຫາຍ ປະລິນຍາເອກ ດຣ. ບຸນແຝງ ພູມມະໄລສິດ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງສາທາລະນະສຸກ; ໄດ້ໃຫ້ຄຳເຫັນ ແລະ ຍ້ອງຍໍຊົມເຊີຍຜົນງານ, ແລະສະຫາຍ ຍັງໄດ້ຍົກບາງ ບັນຫາ, ຂໍ້ຄົງຄ້າງ, ສິ່ງທ້າທາຍທີ່ທາງຄະນະພັກຊຸດໃໝ່ຈະຕ້ອງສືບຕໍ່ປັບປຸງ ແລະ ແກ້ໄຂໃຫ້ມີຜົນສຳເລັດ.
ວັນທີ 02 ຕຸລາ 2024, ທີ່ກະຊວງສາທາລະນະສຸກ,