ຂ່າວ

  • 09 ຕ.ລ

 

ໃນອາທິດຜ່ານມານີ້ ກົມການເງິນ ກະຊວງສາທາລະນະສຸກ ໄດ້ຈັດກອງປະຊຸມປຶກສາຫາລືຜົນໄດ້ຮັບການຈັດຕັ້ງປະຕິບັດການກຳນົດໂຄງສ້າງລາຢາ, ຜະລິດຕະພັນການແພດ ແລະ ການບໍລິການອື່ນໆ ຂື້ນທີ່ໂຮງແຮມລາວພາຊາ ນະຄອນຫຼວງວຽງຈັນ, ໂດຍໃຫ້ກຽດເປັນປະທານຂອງທ່ານ ຮສ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ມີບັນດາກົມ, ສູນ, ອ້ອມຂ້າງກະຊວງສາທາລະນະສຸກ, ໂຮງໝໍສູນກາງ, ໂຮງໝໍແຂວງ ແລະ ພາກສ່ວນທີ່ກ່ຽວຂ້ອງໄດ້ເຂົ້າຮ່ວມ​.

 

 

ຈຸດປະສົງຂອງກອງປະຊຸມຄັ້ງນີ້ກໍ່ເພື່ອຈັດຕັ້ງຜັນຂະຫຍາຍເນຶ້ອໃນດຳລັດວ່າດ້ວຍການຄຸ້ມຄອງ ແລະ ນຳໃຊ້ເງິນຄ່າບໍລິການຢູ່ສະຖານທີ່ບໍລິການກວດພະຍາດ ແລະ ປິ່ນປົວຂອງລັດໃຫ້ມີຄວາມເປັນເອກະພາບດ້ານການກຳນົດໂຄງສ້າງລາຄາຢາ, ວິເຄາະ, ລັງສີ, ເອໂກ ແລະ ຄ່າບໍລິການອື່ນໆ ແລະ ລາຄາຕ້ອງສອດຄ່ອງກັບລະດັບການຂະຫຍາຍຕົວທາງດ້ານເສດຖະກິດ, ການສະເໜີລາຍການຕ້ອງອີງໃສ່ລະດັບຄວາມສາມາດການສະໜອງບໍລິການວິຊາການ ແລະ ຕ້ອງແມ່ນສາຍວິຊາທີ່ໃຫ້ບໍລິການນັ້ນເປັນຜູ້ນຳສະເໜີ ຮັບປະກັນໃຫ້ສະຖານທີ່ບໍລິການມີແຫຼ່ງທືນພຽງພໍ ເພື່ອສະໜອງການບໍລິການອັນຈຳເປັນພື້ນຖານຮັບໃຊ້ສັງຄົມບໍ່ໃຫ້ຢຸດສະງັກ, ສ້າງລາຍຮັບຈາກວິຊາການຂອງຕົນເພື່ອໝຸນລາຍຈ່າຍງົບປະມານ, ຫຼຸດຜ່ອນການເອື່ອຍອີງໃສ່ງົບປະມານຂອງລັດ ສ້າງເງື່ອນໄຂໃຫ້ສະຖານທີ່ບໍລິການກວດພະຍາດ ແລະ ປິ່ນປົວຂອງລັດມີຄວາມຍືນຍົງທາງດ້ານການເງິນ ແລະ ກ້າວໄປສູ່ກຸ້ມຕົນເອງເທື່ອລະຂັ້ນ.

  • 30 ກ.ຍ

 

ທະນະຄານພັດທະນາອາຊີ ຮັບພິຊອບໂຄງການຄວາມປອດໄພດ້ານສຸຂະພາບຂອງ ກະຊວງສາທາລະນະສຸກ ໂດຍເລັ່ງໃສ່ວຽກງານຄວບຄຸມພະຍາດ, ການເຝົ້າລະວັງ ແລະ ການປັບປຸງຫ້ອງວິເຄາະໃນໂຮງໝໍຂັ້ນແຂວງ ແລະ ຂັ້ນເມືອງ ຢູ່ 12 ແຂວງເປົ້າໝາຍໃນ ສປປ ລາວ ແຕ່ປີ 2017-2021. ຊື່ງໄດ້ຈັດຕັ້ງປະຕິບັດຮ່ວມກັບບັນດາປະເທດທີ່ມີຊາຍແດນຮ່ວມກັນ ເຊັ່ນ : ກຳປູເຈຍ, ຫວຽດນາມ ແລະ ພະມ້າ,

ໂຄງການດັ່ງກ່າວໄດ້ສະໜອງທຶນຮອນ ແລະ ວິຊາການໂດຍຮ່ວມກັບກົມຄວບຄຸມພະຍາດຕິດຕໍ່ ກະຊວງສາ ທາລະນະສຸກ ເຊີ່ງເປັນຫຼັກໃນຊີ້ນຳດ້ານວິຊາການເພື່ອຈັດກອງປະຊຸມຝຶກເຫດການຈຳລອງໃນການພົວພັນປະສານງານ ແລະ ຮ່ວມມືກັນໃນການຕອບໂຕ້ຕໍ່ການລະບາດພະຍາດໄຂ້ຫັວດສັດປີກ (AI) ຕາມເຂດຊາຍແດນລະຫ່ວາງ ແຂວງ ຊາຍແດນ (ລາວ-ຫວຽດນາມ).

ວຽກງານປະສານງານລະຫ່ວາງຊາຍແດນກັບບັນດາປະເທດໄກ້ຄຽງ ແມ່ນຖືເປັນວຽກງານຫຼັກຂອງໂຄງການ, ການຮ່ວມມືລະຫ່ວາງຊາຍແດນແມ່ນເປັນສີ່ງສຳຄັນຕໍ່ວຽກງານເຝົ້າລະວັງ ແລະ ລາຍງານພະຍາດເພທ່ອຕິດຕິດ ຕາມສະພາບພະຍາດລະບາດ ແລະ ເຫດການທີ່ຜິດປົກກະຕິກ່ຽວກັບບັນຫາສຸຂະພາບຂອງພໍ່ແມ່ປະຊາຊົນທີ່ອາໃສຢູ່ຕາມຊາຍແດນ ແລະ ພ້ອມກັນແກ້ໄຂ ແລະ ຕອບໂຕ້ໃຫ້ທັນການເວົ້າລວມ, ເວົ້າສະເພາະແມ່ນພະຍາດໄຂ້ຫັວດສັດປີກ ທີ່ເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເກີດລະບາດໃນຫຼາຍປະເທດໃນໄລຍະຜ່ານມາ ຊື່ງມີຄວາມຈຳເປັນຕ້ອງໄດ້ເອົາໃຈໃສ່ໃນການ ຕິດຕາມເຝົ້າລະວັງ, ສອບສວນ ແລະຕອບໂຕ້ໃຫ້ທຫັນເວລາ ຫາກມີກໍລະນີ ຫຼື ເກີດພະຍາດດັ່ງກ່າວຂື້ນໃນເຂດໃດນື່ງ. ດັ່ງນັ້ນ ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຈື່ງໄດ້ຈັດກອງ​ປະຊຸມ​ຝຶກ​ເຫດ​ການ​ຈຳລອງ​ໃນ​ການ​ພົວພັນ​ປະສານ​ງານ ​ແລະ ຮ່ວມ​ມື​ກັນ ​ໃນ​ການ​ຕອບ​ໂຕ້​ການລະບາດພະຍາດ​ໄຂ້​ຫັວດສັດ​ປີກ  (AI) ຕາມເຂດຊາຍແດນລະຫ່ວາງແຂວງ ຊາຍແດນ(ລາວ-ຫວຽດນາມ-ກຳປູອເຈຍ ແລະ ປະເທດໄທ) ຂື້ນ ໃນວັນທີ  26 – 27 ກັນຍາ 2018 ທີ່ໂຮງແຮມເອລາວັນ ແຂວງຈຳປາສັກ

ກອງປະຊຸມດັ່ງກ່າວໄດ້ຮັບກຽດເປັນປະທານຂອງ ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ພ້ອມດ້ວຍຜູ້ເຂົ້າຮ່ວມມາຈາກສາທາລະນະສຸກແຂວງສະຫວັນນະເຂດ, ສາລະວັນ, ຈຳປາສັກ, ເຊກອງ, ອັດຕະປື ແລະ ຜູ້ແທນຈາກກຳປູເຈຍ ມາຈາກແຂວງຕຽງແຕງ, ຜູ້ແທນຈາກປະເທດໄທ ມາຈາກແຂວງອຸບົນ ແລະ ແຂວງ ມຸກດາຫານ

ຈຸດປະສົງຂອງກອງປະຊຸມແມ່ນເພື່ອສ້າງຄວາມເຂັ້ມແຂງດ້ານການປະສານງານ, ການຮ່ວມມືການເສີມສ້າງຄວາມອາດສາມາດ ແລະ ເອົາໃຈໃສ່ວຽກງານສອບສວນ, ເຝົ້າລະວັງການຕອບໂຕ້ການລະບາດ ພະຍາດໄຂ້ຫັວດສັດປີກຕາມເຂດຊາຍແດນລະຫ່ວາງ ສປປ ລາວ - ຫວຽດນາມ - ກຳປູເຈຍ ແລະ ປະເທດໄທ.

ແລະ ກໍ່ເພື່ອສົ່ງເສີມເຮັດໃຫ້ມີການກະກຽມແຜນສຸກເສີນໄວ້ ເພື່ອປະຕິບັດການຕອບໂຕ້ພະຍາດຮ່ວມກັນໃຫ້ທັນເວລາໃນຊຸ່ມປີໜ້າ. ກອງປະຊຸມຄັ້ງນີ້ໄດ້ຮັບການສະໜັບສະໜູນຈາກທະນາຄານພັດທະນາອາຊີ.

  • 26 ພ.ຈ

 

ກອງປະຊຸມໄດ້ໄຂຂື້ນຢ່າງເປັນທາງການ ໃນຄັ້ງ ວັນທີ 19 ພະຈິກ 2018 ໂດຍພາຍໃຕ້ການເປັນປະທານຂອງທ່ານ ດຣ ພູທອນ ເມືອງປາກ ຮອງລັດຖະມົນຕຼີກະຊວງສາທາລະນະສຸກ, ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ທ່ານ ດຣ ແອນໂທນີ ຜູ້ຕາງໜ້າອົງການອະນາໄມໂລກອາຊີປາຊີຟິກ, ດຣ ສົມກຽດ ວໍລະລາດ ຫົວໜ້າພະແນກສາທາລະນະສຸກແຂວງຈຳປາສັກ, ມີຜູ້ແທນກອງປະຊຸມລວມມີ ຊ່ຽວຊານຜູ້ອາວຸດໂສດ້ານວຽກງານສາທາລະນະສຸກ, ພະນັກງານຈາກພະແນກສາທາລະນະສຸກແຂວງ ແລະ ພະນັກງານວິຊາການຮັບຜິດຊອບວຽກງານຄວບຄຸມພະຍາດຕິດຕໍ່ ແລະ ການຕິດຕາມເຝົ້າລະວັງ, ຕອບໂຕ້ພະຍາດລະບາດຈຳນວນ 17 ແຂວງ , ຜູ້ແທນຈາກຕ່າງປະເທດ ຄື: ກຳປູເຈຍ, ສສ ຫວຽດນາມ, ສປ ຈີນ, ແລະ ລາດຊະອານາຈັກໄທ , ຊ່ຽວຊານຈາກອົງການອະນາໄມໂລກພາກພື້ນ-ມະລີລາ, ປະເທດຟີລິບປີນ, ສປປລາວ ແລະ ອົງການສາກົນປະຈຳລາວຄື້:US CDC, FAO, DTRA ເຂົ້າຮ່ວມ

 

 

ຈຸດປະສົງຂອງກອງປະຊຸມເພື່ອປະເມີນການຈັດຕັ້ງປະຕິບັດຍຸດທະສາດເອເຊຍປາຊີຟິກສຳລັບການຄວບຄຸມພະຍາດທີ່ເກີດຂື້ນໃໝ່ ແລະ ເຫດການສຸກເສີນດ້ານສາທາລະນະສຸກໄລຍະ III ຢູ່ບັນດາປະເທດລຸ່ມອ່າງແມ່ນ້ຳຂອງ

 

 

ກອງປະຊຸມໄດ້ສົນທະນາການຈັດຕັ້ງປະຕິບັດຍຸດທະສາດເອເຊຍປາຊີຟິກສຳລັບການຄວບຄຸມພະຍາດທີ່ເກີດຂື້ນໃໝ່ ແລະ ເຫດການສຸກເສີນດ້ານສາທາລະນະສຸກ ໄລະຍະ III ຢູ່ບັນດາປະເທດລຸ່ມອ່າງແມ່ນ້ຳຂອງ, ແຕ່ລະປະເທດໄດ້ຈະໄດ້ປຶກສາຫາລືກັນກ່ຽວກັບການປະຕິບັດກິດຈະກຳຕ່າງໆ

 

 

ໃນແຕ່ລະກອບວຽກຂອງແຕ່ລະພາກສ່ວນຮັບຜິດຊອບມາຮອດປະຈຸບັນ ເພື່ອແນໃສ່ເຮັດໃຫ້ສຸຂະພາບຂອງພໍ່ແມ່ປະຊາຊົນດີ ແລະ ປອດໄພຈາກການເຈັບເປັນດ້ວຍພະຍາດຕ່າງໆໃນຂັ້ນພາກພື້ນ.

  • 17 ຕ.ລ

 

ອີງ​ຕາມ​ນະ​ໂຍບາຍ​ຂອງ​ພັກ​-ລັດ ກໍ່​ຄື​ກະຊວງ​ສາທາລະນະ​ສຸກ ທີ່​ໄດ້​ເນັ້ນ​ໜັກ​ຢາກໃຫ້ຍົກ​ລະດັບ​ຄວາມ​ຮຸ້, ຄວາມ​ສາມາດ​ຂອງ​ນັກວິຊາການ ພະ​ນັກ​ງານ​ການ​ແພດ​ໃຫ້​ສູງ​ຂື້ນ​ເທົ່າ​ທຽມ​ກັບ​ສາກົນ​ເທື່ອ​ລະ​ກ້າວ.

ອີງ​ຕາມ​ພະລະ​ໜ້າ​ທີ່​ຂອງ​ໜ່ວຍ​ງານ​ວິຊາ ຫົວ​ໃຈ-​ເສັ້ນ​ເລືອດ, ຊື່​ງ​ແມ່ນ​ວິຊາ​ໜຶ່ງ ​ໃນ​ວິຊາ​ແພດ​ຂອງ​ມະຫາວິທະຍາ​ໄລ​ ວິທະຍາສາດ​ສຸຂະພາບ ທີ່​ມີ​ບົດບາດ​ໃນ​ການຈັດ​ຕັ້ງ​ຊີ້​ນຳ, ນຳພາ​ທາງ​ດ້ານ​ການ​ຄົ້ນ​ຄ້ວາ ວິທະຍາສາດ​ກໍ່​ຄື​ກາ​ນຍົກ​ລະດັບ​ວິຊາ​ການ​ແພດ​ໃນ​ຂົງ​ເຂດ​ທີ່​ຕົນ​ຮັບ​ພິຊອບ​ໃຫ້​ສູງ​ຂື້ນ​ເທື່ອ​ລະ​ກ້າວ, ​ເພື່ອ​ໃຫ້​ສາມາດ​ຕອງ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ໃນ​ການ​ບໍລິການ​ເບີ່​ງ​ແຍ່ງ​ສຸຂະພາບ​ໃຫ້​ແກ່ ພະນັກງານ, ທະຫານ, ຕຳຫຼວດ, ພໍ່​ແມ່ປະຊາຊົນ​ທຸກ​ຊັ້ນ​ຄົນ​ໃຫ້​ດີ​ຂື້ນ​ກ່ວາ​ເກົ່າ.

ດັ່ງນັ້ນ ໃນອາທິດຜ່ານມາ ​ຄະນະ​ຮັບ​ຜິດ​ຊອບ​ໜ່ວຍ​ງານ​ວິຊາ ຫົວ​ໃຈ-​ເສັ້ນ​ເລືອດ, ມະຫາ​ວິທະຍາ​ໄລ​ວິທະຍາສາດ-ສຸຂະພາບ ​ໄດ້​ເປີດ​ກອງ​ປະຊຸມ​ວິຊາ​ການ ວິຊາ ຫົວ​ໃຈ-​ເສັ້ນ​ເລືອດ ຄັ້ງ​ທີ XIV ຂື້ນ ທີ່ສູນຮ່ວມມືລາວ-ຍີ່ປຸ່ນ ໂດຍໃຫ້ກຽດເປັນປະທານຂອງທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ.

 

 

ກອງປະຊຸມຄັ້ງນີ້ມີນັກສຳມະນາກອນຈາກຫຼາຍພາກສ່ວນເຂົ້າຮ່ວມເຊັ່ນ: ແພດປິ່ນປົວພະຍາດຫົວໃຈ-ເສັ້ນເລືອດ, ແພດປິ່ນປົວພະຍາດພາຍໃນ ຈາກໂຮງໝໍເມືອງ, ໂຮງໝໍແຂວງ, ໂຮງໝໍອ້ອມຂ້າງ ຕະຫຼອດຮອດນັກສຶກສາແພດປະລິນຍາຕີ, ຊ່ຽວຊານຂັ້ນ 1, ຊ່ຽວຊານຂັ້ນ 2, ຈຳນວນ 230 ທ່ານ ໄດ້ເຂົ້າຮ່ວມ.

        ພິເສດໃນກອງປະຊຸມໄດ້ນຳເອົາບົດຮຽນໃໝ່ໆ, ທີ່ມີການຍອມຮັບໃນທົ່ວໂລກ, ຊຶ່ງໃນນັ້ນໄດ້ເນັ້ນເຖີງການບົ່ງມະຕິ, ການປິ່ນປົວ, ການປ້ອງກັນຂອງພະຍາດຫົວໃຈ-ເສັ້ນເລືອດ ມາບັນຍາຍໃຫ້ຜູ້ເຂົ້າຮ່ວມໄດ້ເຂົ້າໃຈ ແລະ ຮັບຮູ້, ແລ້ວນຳໄປຜັນຂະຫຍາຍໃນພາກປະຕິບັດຕົວຈິງໃນຂົງເຂດທີ່ຮັບພິຊອບໃຫ້ໄດ້ຮັບຜົນປະໂຫຍດສູງສຸດ ຕໍ່ສຸຂະພາບຂອງພໍ່ແມ່ປະຊາຊົນ ຕາມແນວທາງນະໂຍບາຍຂອງພັກ-ລັດຖະບານໄດ້ວາງອອກ.

 

 

ກອງປະຊຸມໃນຄັ້ງນີ້ເກີດຂື້ນ ແລະ ສຳເລັດຜົນໄດ້ແມ່ນມີຄວາມຮັບພິຊອບຂອງຄະນະບໍລິຫານງານຂອງສະມາຄົມ, ໄດ້ຮັບການປະກອບສ່ວນຈາກການລົງຖະບຽນຂອງນັກສຳມະນາກອນ, ການສະໜັບສະໜູນຈາກບໍລິສັດການຢາ, ອົງການຈັດຕັ້ງສາກົນ ແລະ ບໍລິສັດອື່ນໆທັງພາຍໃນ ແລະ ຕ່າງປະເທດ.