ຂ່າວ

  • 25 ກ.ຍ

 

ວັນຕ້ານພະຍາດວໍ້ໂລກແມ່ນ ເປັນວັນທຳອິດ ແລະ ເປັນວັນທີ່ທາງທົ່ວໂລກໄດ້ເລີ່ມມີມາດຕະການ ແລະ ຕື່ນຕົວຕໍ່ກັບການປ້ອງກັນພະຍາດວໍ້. ມັນເປັນໂອກາດທີ່ຈະ ຮ່ວມຕົວກັນຂອງຊຸມຊົນ, ພາກລັດ, ອົງການຈັດຕັ້ງສາກົນ, ອົງການຈັດຕັ້ງສາກົນທີ່ບໍ່ຂື້ນກັບລັດຖະບານເພື່ອເຮັດວຽກ ແລະ ແລກປ່ຽນວຽກງານຂອງເຂົາເຈົ້າຮ່ວມກັນ. ອົງກອນສາກົນໃນການຄວບຄຸມພະຍາດວໍ້ໂລກໄດ້ປະສານງານໃນການຈັດການໂຮມຊຸມນຸມເພື່ອຕ້ານພະຍາດວໍ້ທີ່ໄດ້ຈັດຂື້ນໃນວັນທີ 28 ກັນຍາ ຂອງທຸກໆປີ ໂດຍສຸມໃສ່ບັນດາປະເທດທີ່ມີການລະບາດແບບບົ່ມຊ້ອນ ເພື່ອເພີ່ມຄວາມຕື່ນຕົວໃຫ້ແກ່ປະຊາຊົນໃນຊຸມຊົນຮູ້ກ່ຽວກັບພະຍາດ ແລະ ວິທີປ້ອງກັນພະຍາດວໍ້. ວັນຕ້ານພະຍາດວໍ້ໂລກຍັງໄດ້ຍົກໃຫ້ເຫັນແຜນງານໂຄງການຄວບຄຸມພະຍາດວໍ້ທີໄດ້ມີການຍົກລະດັບຄວາມອາດສາມາດທາງດ້ານວິຊາການ ແລະ ເຜີຍແຜ່ຂໍ້ມູນໃຫ້ປະຊາຊົນໄດ້ມີຄວາມຕື່ນຕົວ.

ດັ່ງນັ້ນ ໃນວັນທີ 24 ກັນຍາ 2018 ຜ່ານມາ ກະຊວງສາທາລະນະສຸກ ຮ່ວມ ກະຊວງກະສິກຳ ໄດ້ຈັດພິທີຖະແຫຼງຂ່າວ ວັນວໍ້ໂລກຂື້ນທີ່ກົມລ້ຽງສັດ ແລະ ການປະມົງ. ໂດຍພາຍໃຕ້ການເປັນປະທານຂອງ ທ່ານ ຮສ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ມີທ່ານ ດຣ ບຸນຂວາງ ຄຳບຸນເຮືອງ ລັດຖະມົນຕີກະຊວງກະສິກຳ ແລະ ທ່ານ ດຣ ຣໍແຣງ ຜູ້ຕາງໜ້າອົງການອະໄມໂລກ ປະຈຳ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງກໍ່ໄດ້ເຂົ້າຮ່ວມ. ພິທີດັ່ງກ່າວຈັດຂື້ນກໍ່ເພຶ່ອເຜີຍແຜ່ຂໍ້ມູນຂ່າວສານກ່ຽວກັບ ພະຍາດວໍ້ ໃຫ້ປະຊາຊົນ ບັນດາເຜົ່າໄດ້ຮັບຮູ້ດ້ວຍຄວາມເປັນຫ່ວງເປັນໃຍນຳສຸຂະພາບ ຂອງປະຊາຊົນ ຈາກການນຳຂອງສອງກະຊວງ ແລະ ໃກ້ຈະມາຮອດວັນຕ້ານພະຍາດວໍ້ໂລກ ທີ່ໃກ້ມາເຖິງ ໃນວັນທີ 28 ກັນຍາ ຂອງທຸກໆປີ.

 

 

  • 11 ກ.ຍ

ໃນຕອນບ່າຍຂອງວັນທີ 31 ສີງຫາ 2018 ຢູ່ທີ່ຫ້ອງປະຊຸມອໍາຟີຂອງສະຖາບັນສາທາລະນະສຸກສາດແລະການແພດເຂດຮ້ອນ ໄດ້ຈັດພິທີປະດັບຫຼຽນໄຊແຮງງານ ຊັ້ນ I ໃຫ້ແກ່ ທ່ານ ສຈ. ດຣ. ນາງ ບຸນຍົງ ບຸບຜາ, ປະທານສະພາບໍລິຫານ ແລະ ຜູ້ປະສານງານຫຼັກໃນການສ້າງສະຖາບັນການແພດເຂດຮ້ອນ ແລະ ການເຄື່ອນໄຫວຂອງສະຖາບັນສາທາລະນະສຸກສາດ ທີ່ມີຜົນງານ, ຄຸນງາມຄວາມດີ, ປະກອບສ່ວນທາງດ້ານເຫື່ອແຮງ, ສະຕິປັນຍາ ເຂົ້າໃນການຮຽນ-ການສອນ ແລະ ເຄື່ອນໄຫວບໍລິຫານການສຶກສາ ກໍ່ສ້າງຊ່ຽວຊານພະຍາດເຂດຮ້ອນ ທັງພາຍໃນ ແລະ ຕ່າງປະເທດ ໃນໄລຍະຜ່ານມາ (ແຕ່ປີ 2000-2017) ໂດຍເປັນປະທານຂອງ ທ່ານ ຮສ. ດຣ ບຸນກອງ ສີຫາວົງ, ຮອງເລຂາຄະນະພັກກະຊວງ, ລັດຖະມົນຕີກະຊວງສາທາລະນະສຸກ ຕາງໜ້າໃຫ້ລັດຖະບານເປັນກຽດປະດັບຫຼຽນໄຊແຮງງານ ຊັ້ນ I ດັ່ງກ່າວ. ມີຫົວໜ້າ/ຮອງກົມ, ຫົວໜ້າ/ຮອງສະຖາບັນ, ຫົວໜ້າ/ຮອງພະແນກ, ພະນັກງານ, ນັກສຶກສາປະລິນຍາໂທສາທາລະນະສຸກສາດ ແລະ ນັກສຶກສາປະລິນຍາໂທການແພດເຂດຮ້ອນແລະສາທາ ລະນະສຸກລະຫວ່າງຊາດ ກໍ່ໄດ້ເຂົ້າຮ່ວມຈໍານວນ 60 ກວ່າຄົນ.

  • 12 ກ.ກ

 

​ວັນ​ທີ 10-07-2018 ຢູ່​ເມືອງ​ປາກ​ຊັນ ແຂວງ​ບໍ​ລິ​ຄຳ​ໄຊ ໄດ້​ມີ​ພິ​ທີ​ມອບ-​ຮັບ ໂຮງ​ຫມໍ​ແຂວງ​ບໍ​ລິ​ຄຳ​ໄຊ​ຫລັງ​ໃຫມ່ ຫລັງ​ຈາ​ກ​ການກໍ່​ສ້າງ​ສ້ອມ​ແປງ​ສຳ​ເລັດ, ເປັນ​ກຽດ​ເຂົ້າ​ຮ່ວມ​ໃນ​ພິ​ທີ ມີ​ທ່ານ ຮ​ສ. ດ​ຣ. ບຸນກອງ ສີ​ຫາ​ວົງ ລັດ​ຖະ​ມົນ​ຕີກະ​ຊວງ​ສາ​ທາ​ລະ​ນະ​ສຸກ, ທ່ານ ປອ. ກອງ​ແກ້ວ ໄຊ​ສົງ​ຄາມ ເຈົ້າ​ແຂວງໆ​ບໍ​ລິ​ຄຳ​ໄຊ, ທ່ານ ປອ. ກິ​ແກ້ວ ຈັນ​ທະ​ບູ​ຣິ ຮອງ​ລັດ​ຖະ​ມົນ​ຕີ​ກະ​ຊວງ​ແຜນ​ການ ​ແລະ​ ການ​ລົງ​ທືນ, ທ່ານ Claude Jentgen ອຸ​ປະ​ທູດ ແຫ່ງ​ ຣາ​ດຊາ​ອາ​ນາ​ຈັກ​ລຸກ​ຊຳ​ບວກ ປະ​ຈຳ​ ສ​ປ​ປ ລາວ, ພ້ອມ​ດ້ວຍ​​ແຂກ​ທີ່​ຖືກ​ເຊີນ ແລະ ພະ​ນັກ​ງານ​ຂັ້ນ​ສູງ​ຂອງ​ກະ​ຊວງແລະ​ ​ແຂວງບໍ​ລິ​ຄຳ​ໄຊ.

​ຕາມ​ທິດ​ທາງ​ ແລະ ​ແຜນ​ຍຸດ​ທະ​ສາດ​ຂອງ​ກະ​ຊວງ​ສາ​ທາ​ລະ​ນະ​ສຸກ ຮອດ​ປີ 2020 ທີ່​​ຈະພັດ​ທະ​ນາ​ຕາ​ຫນ່າງ​​ບໍ​ລິ​ການດ້ານ​ສຸ​ຂະ​ພາບ ໃຫ້​ທັນ​ສະ​ໄຫມ, ແຜນ​ງານ​ການ​ຮ່ວມ​ມື​ລະ​ຫວ່າງ ສ​ປ​ປ​ ລາວ ແລະ ຣາ​​ດຊາ​ອາ​ນາ​ຈັກ​ລຸກ​ຊຳ​ບວກ ກໍ​ໄດ້​ຕອບ​ສະ​ຫນອງ​ຕາມ​ເປົ້າ​ຫມາຍ​ທີ່​ຈະ​ຍົກ​ສູງ​ຄຸນ​ນະ​ພາບ​ການ​ບໍ​ລິ​ການ​ດ້ານ​ສຸ​ຂະ​ພາບ​ດັ່ງ​ກ່າວ ໂດຍ​ຜ່ານໂຄງ​​ການ​ສະ​ຫນັບ​ສະ​ຫນູນ​ຂະ​ແຫນງ​ສາ​ທາ​ລະ​ນະ​ສຸກ​ລາວ-ລຸກ​ຊຳ​ບວກ ໄລ​ຍະ 2 (LAO/027). ​​ໃນ​ນັ້ນ, ​ຫນຶ່ງ​ໃນ​ແຜນ​ການ​ພັດ​ທະ​ນາ ກໍ​ມີການກໍ່​ສ້າງ ​ແລະ ​ຍົກ​ລະ​ດັບໂຮງ​ຫມໍ​ແຂວງ​ບໍ​ລິ​ຄຳ​ໄຊ​ໃຫ້​ທັນ​ສະ​ໄຫມ ແລະ​ ໄດ້​ຕາມ​ມາດ​ຖານ​ສາ​ກົນ.

ໂຮງ​ຫມໍ​ແຂວງ​ບໍ​ລິ​ຄຳ​ໄຊຫລັງ​ໃຫມ່ນີ້ ແມ່ນໄດ້​ຖືກ​ອອກ​ແບບ​ເພື່ອ​ຍົກ​ລະ​ດັບ ການ​ບໍ​ລິ​ການ​ ແລະ ​ເຮັດ​ຫນ້າ​ທີ່ເປັນ ສູນ​ກາງ​ຂອງ​ລະ​ບົບ​ຮັບ​ສົ່ງ​ຕໍ່​ຄົນ​ເຈັບ. ໂຮງ​ຫມໍ​ແຂວງ​ບໍ​ລິ​ຄຳ​ໄຊ ນອກ​ຈາກ​ຈະ​ເຮັດ​ຫນ້າ​ທີປິ່ນ​ປົວ​ຄົນ​ເຈັບ​ແລ້ວ ຍັງມີ​ຫນ້າ​ທີ່​ສິດ​ສອນ ​ແລະ ​ກໍ່​ສ້າງ​​ຍົກ​ລະ​ດັບພະ​ນັກ​ງານ​ແພດ​ຫມໍ​ອີກ ໂດຍ​ມີການສະ​ຫນັບ​ສະ​ຫນູນ​ ຈາກອົງ​ການ​ພັດ​ທະ​ນາ​​ ແລະ ​ຮ່ວມ​ມືຂອງ​ລຸກ​ຊຳ​ບວກ.

​ທາງ​ດ້ານ​ວິ​ຊາ​ການ, ໂຮງ​ຫມໍ​​ປະ​ກອບມີ​ຫ້ອງຜ່າ​ຕັດ​ທີ່​ທັນ​ສະ​ໄຫມ 3 ຫ້ອງ, ຫນ່ວຍ​ງານອະ​ເຊື້ອ, ​​ຫນ່ວຍ​ງານ​ບໍ​ລິ​ການ​ວຽກ​ງານ​ຮັກ​ສາ​ສຸ​ຂະ​ພາບ​ຂອງ​ແມ່ ​ແລະ ​ເດັກ, ​ຫນ່ວຍ​ງານກວດວິ​ເຄາະ​ກ່ຽວ​ກັບ​ເລືອດ​, ​ຈຸ​ລິນ​ຊິ​ວິ​ທະ​ຍາ ​ແລະ​​ຫນ່ວຍ​ງານຊ່ອງ​ໄຟ​ຟ້າ. ນອກນີ້ ກໍ​ຍັງ​ມີ ​ຫນ່ວຍ​ງານ​ປິ່ນ​ປົວ​ແຂ້ວ, ກາ​ຍະ​ບຳ​ບັດ, ​ຫນ່ວຍ​ງານ ຫູ​ຕາ​ດັງ​ຄໍ. ​ຫ້ອງ​ສຳ​ລັບການ​ບໍ​ລິ​ການ​ ຄົນ​ເຈັບ​ນອນ​ປິ່ນ​ປົວ ແມ່ນ​ມີ​ເນື້ອ​ທີ່​ພຽງ​ພໍ ແລະ​ ສ້າງ​ໄດ້​ບັນ​ຍ​າ​ກາດ​ທີ່​ດີ ລະ​ຫວ່າງ​ແພດ​ແລະ​ ຄົນ​ເຈັບ. ໃນ​ໄລ​ຍະ​ 2 ຕໍ່​ໄປ ກໍ​​ຈະມີ​ແຜນກໍ່​ສ້າງ​ບ່ອນ​ພັກ​ໃຫ້​ພີ່ນ້ອງ​ຄົນ​ເຈັບ ອີກ.

ໂຮງ​ຫມໍ​ແຂວງ​ບໍ​ລິ​ຄຳ​ໄຊ ຈະ​ຮັບ​ໃຊ້​ຈຳ​ນວນ​ປະ​ຊາ​ກອນ ປະ​ມານ 285,000 ຄົນ, ພ້ອມ​ທັງ​ເປັນ​ບ່ອນ​ຮອງ​ຮັບ ຄົນ​ເຈັບ​ທີ່​ສົ່ງ​ມາ​ຈາກ 7 ຕົວ​ເມືອງ​ ແລະ 40 ສຸກ​ສາ​ລາ. ພະ​ນັກ​ງານ​ຂອງ​ໂຮງ​ຫມໍ​ແຂວງ​ມີ​ທັງ​ຫມົດ 180 ​ທ່ານ: ໃນ​ນັ້ນ ມີ​ທ່ານ​ຫມໍ​, ແພດ​ຊ່ຽວ​ຊານ 30 ທ່ານ, ມີພະ​ຍາ​ບານ​, ​ຜະ​ດຸງ​ຄັນ 75 ທ່ານ. ອີງ​ຕາມ​ຕົວ​ເລກ​ສະ​ຖິ​ຕິ​ຜ່ານ​ມາ, ຄາດ​ຄະ​ເນ ຕົວ​ເລກ​ການ​ບໍ​ລິ​ການ​ຂອງ​ໂຮງ​ຫມໍ​ແຂວງ​ໃນ​ປີ 2018 ນີ້ ຈະ​ມີ​ຄື : ຄົນ​ເຈັບ​ມາ​ກວດ​ເຂດນອກ ປະ​ມານ 35,000 ເທື່ອຄົນ, ກວດ, ​ປິ່ນ​ປົວ​ແຂ້ວ 1,500 ຄົນ ແລະ ​ກວດ, ​ປິ່ນ​ປົວຕາ : 2,800 ຄົນ. ໂຮງ​ຫມໍ​ມີ​ທັງ​ຫມົດ 140 ຕຽງ ສຳ​ລັບ​ຄົນ​ເຈັບ​ນອນ​ປິ່ນ​ປົວ​ມີ​ປະ​ມານ 7,000 ເທື່ອຄົນ, ຊ່ວຍ​ການ​ຄອດລູກ 1,100 ຄົນ, ການ​ຜ່າ​ຕັດ 1,400 ຄົນ, ການກວດ​ວິ​ເຄາະ ເລືອດ 25,000 ກໍ​ລະ​ນີ, ການ​ຊ່ອງ​ໄຟ​ຟ້າ​ແລະ​ກວດ​ດ້ວຍ​ຄຶ້ນ​ສຽງ ​ມີ 10,000 ກໍ​ລະ​ນີ. ສະ​ເລັ່ຽ ອັດ​ຕາ​ການ​ນຳ​ໃຊ້​ຕຽງ​ແມ່ນ 83%. ຂອບ​ເຂດ​ການ​ບໍ​ລິ​ການ​ຂອງ​ໂຮງ​ຫມໍ​ແມ່ນ ​ ໄດ້​ໄປ​ຕາມ ກຸ່ມ​ກິດ​ຈະ​ກຳ​ຫລັກ​ດ້ານ​ສຸ​ຂະ​ພາບ 2018-2020 ທີ່​ກະ​ຊວງ​ສາ​ທາ​ລະ​ນະ​ສຸກວາງ​ອອກ. ໃນ​ນັ້ນ ວຽກ​ງານ​ຮັກ​ສາ​ສຸ​ຂະ​ພາບ​ຂອງ​ແມ່​ແລະ​ເດັກ ເປັນ​ບູ​ລິ​ມະ​ສິດ​ສູງ​ສຸດ.

ການກໍ່​ສ້າງ​ໂຮງ​ຫມໍ​ແຂວງ​ບໍ​ລິ​ຄຳ​ໄຊ ແມ່ນ​ໄດ້​ເລີ້ມ​ແຕ່ ເດືອນ 08-2015 ເປັນ​ຕົ້ນ​ມາ. ໂດຍ​ແມ່ນ ລັດ​ຖະ​ບານ​ລຸກ​ຊຳ​ບວກ ໄດ້​ປະ​ກອບ​ສ່ວນ 2,965,000 ໂດ​ລາ ​ສະ​ຫະ​ລັດ; ເຂົ້າ​ໃນ​ການກໍ່​ສ້າງ​ໂຮງ​ຫມໍ​ແຂວງ​ບໍ​ລິ​ຄຳ​ໄຊ ໃນ​ເນື້ອ​ທີ່ 4,300 ມ2 ສຳ​ລັບ​ອາ​ຄານ ແລະ ອີກຈຳ​ນວນເນື້ອ​ທີ 2,300 ມ2 ສຳ​ລັບ ລະ​ບົບ​ບຳ​ບັດ​ນ້ຳ​ເສຍ, ​ຫ້ອງ​ບຳ​ລຸງ​ຮັກ​ສາ​ດ້ານວິ​ຊາ​ການ, ລະ​ບົບອົກ​ຊິ​ເຈນ​ການ​ແພດ, ເດິນ​ຈອດ​ລົດ ​​ພ້ອມ​ທັງ​ສວນດອກ​ໄມ້​ ຕ່າງໆ.

ນອກນີ້ ໂຄງ​ການ​ຍັງ​ໄດ້ ສະ​ຫນອງ, ​ຕິດ​ຕັ້ງ ອຸ​ປະ​ກອນ​ເຄື່ອງ​ມື​ການ​ແພດ​ທີ່​ທັນ​ສະ​ໄຫມ, ເຟິ​ນິ​ເຈິ ຊຶ່ງ​ມີ​ມູນ​ຄ່າ​ທັງ​ຫມົດ​ຄື 980,000 ໂດ​ລາ ​ສະ​ຫະ​ລັດ; ປັດ​ຈຸ​ບັນ​ແມ່ນ​ກຳ​ລັງ​ກະ​ກຽມ​ການ​ກໍ່​ສ້າງ​ສ້ອມ​ແປງ ​ສຳ​ລັບ​ປີ 2018-2019 ຊຶ່ງ​ມີ​ຄື : ຫ້ອງ​ບໍ​ລິ​ຫານ​ຂອງ​ໂຮງ​ຫມໍ, ​ອາ​ຄານ​ໃຫ້​ຄົນ​ເຈັບ​ນອນ​ປິ່ນ​ປົວ​ເພີ້ມ​ເຕີມ, ​ຫ້ອງ​ຜ່າ​ຕັດ​ຕາ ທີ່​ຮ່ວມ​ມື​ກັບ​ ມູນ​ນິ​ທິເມ​ຣິ​ເອີ, ການ​ເສື່ອມ​ຕໍ່​ລະ​ຫວ່າງ​ຫ້ອງ​ສຸກ​ເສີນ, ສາງ​ຢາ ແລະ ​ຫ້ອງ​ຊັກ​ລິດ.

ໂຄງ​ການ​ຮ່ວມ​ມື​ດ້ານ​ສາ​ທາ​ລະ​ນະ​ສຸກ ລາວ-ລຸກ​ຊຳ​ບວກ LAO/027 ຍັງ​ຈະ​ສືບ​ຕໍ່ ໃຫ້​ການ​ຊ່ວຍ​ເຫຼືອ​ດ້ານ​ວິ​ຊາ​ການ ຢູ່​ກັບ​ທີ່ ​ເຊັ່ນທາງ​ດ້ານ​ການ​ຄຸ້ມ​ຄອງ​ໂຮງ​ຫມໍ, ດ້ານ​ການ​ພະ​ຍາ​ບານ​ ແລະ​ ຜ​ະ​ດຸງ​ຄັນ. ນອນນັ້ນ ກໍ​ຍັງ​ມີ​ການ​ຮ່ວມ​ມື​ກັບ​ອົງ​ການ​ຕ່າງໆ ​ເພື່ອ​ເຮັດ​ໃຫ້​ວຽກ​ງານ​ສົມ​ບູນ​ຂື້ນ; ​ເພື່ອ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ການ​ບໍ​ລິ​ການ​ທາງ​ດ້ານ​ສຸ​ຂະ​ພາບ, ​ໂຄງ​ການ​ຍັງ​ໄດ້​ປະ​ຕິ​ບັດແຜນ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ​ໄລ​ຍະ 3 ປີ ໂດຍ​ສະ​ຫນັບ​ສະ​ຫນູນ​ທືນ​ໄປ​ຮຽນ​ຍົກ​ລະ​ດັບ​​ວິ​ຊາ​ສະ​ເພາະ ທາງ​​ຢູ່ພາຍ​ໃນ ​ແລະ ​ຕ່າງ​ປະ​ເທດ ໃຫ້​ແກ່​ພະ​ນັກ​ງານ​ແພດ​ຫມໍ​ຜູ້​ໃຫ້​ບໍ​ລິ​ການ ທັງຢູ່​ໂຮງ​ຫມໍ​ແຂວງ​ບໍ​ລິ​ຄຳ​ໄຊ,​ ໂຮງ​ໝໍ​ເມືອງ ແລະ ສຸກ​ສາ​ລາ ​ແຫ່ງ​ອື່ນໆ​ຂອງ​ແຂວງ.

  • 21 ມ.ຖ

ພິທີສະເຫຼີມສະຫຼອງວັນ ຕ້ານໄຂ້ຍຸງລາຍອາຊຽນ ແລະ ວັນສັບປະດາປ່ອຍປາຫາງນົກຍຸງ ຄົບຮອບ 5 ປີ ແລະ ວັນແພດ ລາວ ຄົບຮອບ 2 ປີ ໄດ້ ຈັດຂຶ້ນໃນວັນທີ 16 ຜ່ານມາ ທີ່ສະໂມສອນເມືອງໄຊທານີ, ໂດຍການເປັນປະທານຮ່ວມ ຂອງທ່ານ ຮ​ສ.ດ​ຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ມີທ່ານ ສີຫຸນ ສິດທິລືໄຊ ຮອງເຈົ້າຄອງນະ ຄອນຫຼວງວຽງຈັນ ຜູ້ຊີ້ນຳວຽກ ງານວັດທະນະທຳ-ສັງຄົມ ຂັ້ນ ນະຄອນຫຼວງ, ມີທ່ານເຈົ້າ ເມືອງ-ຮອງເຈົ້າເມືອງ ຄະນະກຳມະການ ຕ້ານ ແລະ ຄວບ ຄຸມພະຍາດຕິດຕໍ່ຂັ້ນນະຄອນຫຼວງ, ຂັ້ນເມືອງ, ຫ້ອງການສາທາລະນະສຸກເມືອງ 9 ຕົວ ເມືອງ, ອາສາສະໝັກຂັ້ນບ້ານ ພ້ອມດ້ວຍພະນັກງານທີ່ກ່ຽວ ຂ້ອງເຂົ້າຮ່ວມ. ການຈັດງານໃນຄັ້ງນີ້ ຈຸດປະສົງເພື່ອເປັນການຫຼຸຸດຜ່ອນ ອັດຕາການເຈັບເປັນ ແລະ ເສຍຊີວິດຈາກພະຍາດໄຂ້ຍຸງ ລາຍ ເພື່ອສ້າງຂະບວນການ ຮ່ວມກັນໃນການປ້ອງກັນ ແລະ ຄວບຄຸມພາ ຫະນຳເຊື້ອພະ ຍາດໄຂ້ຍຸງດ້ວຍການລ້ຽງປາ ຫາງນົກຍຸງ ເພື່ອຕັດຕ່ອງໂສ້ ການຈໍລະຈອນຂອງພາຫະນຳ ເຊື້ອພະຍາດໄຂ້ຍຸງລາຍ, ທັງ ເປັນການເຜີຍແຜ່ປະຫວັດ ຄວາມໝາຍ-ຄວາມສຳຄັນ ຂອງວັນແພດລາວ, ດັ່ງທີ່ພວກ ເຮົາຮັບຮູ້ນຳກັນແລ້ວວ່າ ພະ ຍາດໄຂ້ຍຸງລາຍເກີດຂຶ້ນຈາກ ເຊື້ອນຸລະໂລກ ມີພາຫະນຳ ເຊື້ອແມ່ນຍຸງລາຍ, ຊຶ່ງອາຊຽນ ໄດ້ກຳນົດເອົາວັນທີ 15 ມິຖຸນາ ຂອງທຸກໆປີເປັນວັນຕ້ານໄຂ້ຍຸງ ລາຍອາຊຽນ ເພຶື່ອປຸກລະດົມ ປະຊາຊົນໃນຂົງເຂດອາຊຽນ ໃຫ້ມີສ່ວນຮ່ວມໃນການປ້ອງ ກັນ ແລະ ຄວບຄຸມພະຍາດໄຂ້ ຍຸງລາຍ. ໃນປິີ 2018 ປະເທດ ລາວມີການລາຍງານສະຖິຕິ ການເກີດພະຍາດໄຂ້ຍຸງລາຍ ຮອດວັນທີ 13 ມິຖຸນາ 2018 ທົ່ວປະເທດມີຄົນເປັນພະຍາດ ໄຂ້ຍຸງລາຍ 1.089 ຄົນ ແລະ ເສຍຊີວິດ 2 ຄົນ, ແຂວງຈຳປາ ສັກ 164 ຄົນ, ສຳລັບນະຄອນ ຫຼວງວຽງຈັນ ມີ 102 ຄົນ (ບໍ່ມີ ຜູ້ເສຍຊີວິດ) ໃນນັ້ນເມືອງໄຊທານີຫຼາຍກວ່າໝູ່, ພາຍໃນງານ ທ່ານປະທານ ພ້ອມແຂກ ຖືກເຊີນໄດ້ໃຫ້ກຽດຕັດແຖບ ຜ້າເພື່ອເປີດງານ, ຢ້ຽມຊົມກິດຈະກຳຕ້ານໄຂ້ຍຸງລາຍຂອງ ແຕ່ລະຮ້ານ ແລະ ປ່ອຍປາ ຫາງນົກຍຸງລົງອ່າງໃນຄອບ ຄົວ ແລະ ຫ້ອງການຂອງປະຊາຊົນ ເພື່ອກິນໜອນນ້ຳຍຸງລາຍ