ຂ່າວ

  • 09 ກ.ພ

ກະຊວງສາທາລະນະສຸກໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານສາທາລະນະສຸກທົ່ວປະເທດປະຈຳປີ 2017ແລະວາງທິດທາງແຜນການປີ 2018 ຂື້ນໃນວັນທີ 6-7 ກຸມພາ 2018 ທີ່ຫ້ອງປະຊຸມສູນ ICTC ນະຄອນຫຼວງວຽງຈັນໂດຍເປັນປະທານທ່ານຮສ.ດຣ. ບຸນກອງສີຫາວົງລັດຖະມົນຕກະຊວງສາທາລະນະສຸກ, ມີຮອງລັດຖະມົນຕີ, ຮອງເຈົ້າຄອງ, ຮອງເຈົ້າແຂວງ, ຫົວໜ້າພະແນກສາທາລະນະສຸກແຂວງທົ່ວປະເທດພ້ອມທັງແຂກທີ່ຖືກເຊີນແລະທຸກພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້ ໄດ້ສະຫຼູບຕີລາຄາການຈັດຕັ້ງປະຕິບັດວຽກງານພັດທະນາສາທາລະນະສຸກປະຈຳປີ 2017, ຜ່ານແຜນການພັດທະນາສາທາລະນະສຸກປະຈຳປີ 2018 ແລະ 2019 ພ້ອມດຽວກັນນັ້ນຍັງໄດ້ ສະຫຼູບການຈັດຕັ້ງປະຕິບັດຍຸດທະສາດປະຕິຮູບສາທາລະນະສຸກໄລຍະທີ I (2013-2015) ແລະແຜນຍຸດທະສາດປະຕິຮູບສາທາລະນະສຸກໄລຍະທີII (2016-2020). ຜ່ນການຈັດຕັ້ງປະຕິບັດວຽກງານໃນໜື່ງປີຜ່ານມາເຫັນວ່າຂະແໜງການສາທາລະນະສຸກຍາດຜົນງານພົ້ນເດັ່ນຈຳນວນໜື່ງໂດຍສະເພາະອັດຕາການຕາຍຂອງແມ່ຫຼຸດລົງຈາກຈາກ 206 ສ່ວນ 100.000 ໃນປີ 2015 ມາເປັນ 179 ສ່ວນ 100.000. ອັດຕາສ່ວນປະຊາຊົນຊົມໃຊ້ນ້ຳສະອາດໄດ້ເພີ່ມຂື້ນຈາກ 85,7%ໃນປີ 2015 ມາເປັນ 95,6% ໃນປີ2017; ອັດຕາສ່ວນເດັກລຸ່ມ 5 ປີທີ່ມີນ້ຳໜັກຕ່ຳກວ່າມາດຖານຫຼຸດລົງຈາກ 25,5% ໃນປີ 2015 ມາເປັນ 22% ໃນປີ 2017; ອັດຕາສ່ວນເດັກລຸ່ມ 5 ປີເຕັຍຫຼຸດລົງຈາກ 35,6% ໃນປີ 2015 ມາເປັນ 34% ໃນປີ 2017; ສາມາດສ້າງສາທາລະນະສຸກແບບຢ່າງກວມເອົາ 71% ຂອງຈຳນວນບ້ານເປົ້າມາຍ; ຄັງປະກັນສຸຂະພາບໄດ້ກວມເອົາ 75% ຂອງຈຳນວນປະຊາຊົນທັງໝົດແລະວຽກງານອື່ນໆ

ກອງປະຊຸມດັ່ງກ່າວຍັງໄດ້ປຶກສາຫາລືແລະກວດກາແຜນການ 2018 ແລະ 2019 ເພື່ອບັນລຸ 10 ຕົວຊີ້ວັດທີ່ສະພາແຫ່ງຊາດຮັບຮອງເອົານັ້ນ, ເປັນຕົ້ນການສືບຕໍ່ເຮັດໃຫ້ອັດຕາການຕາຍຂອງແມ່ ແລະເດັກຫຼຸດລົງ. ການປັບປຸງສະພາບໂພຊະນາການຂອງເດັກລຸ່ມ 5 ປີ, ການເອົາໃຈໃສ່ສະໜອງນ້ຳສະອາດແລະນຳໃຊ້ວິດຖ່າຍ,

  • 01 ກ.ກ

 

ກົມແຜນການ ແລະ ການຮ່ວມມື ກະຊວສາທາ ໄດ້ຈັດກອງປະຊຸມ ສຳມະນາກ່ຽວກັການປະເມີນຜົນ ແລະ ນຳໃຊ້ແບບຟອມຂອງວຽກງານແມ່ ແລະ ເດັກ ປະຈຳປີ 2019 ຂື້ນ ທີ່ໂຮງແຮມ ດອນຈັນ ພລາເລດ ພາຍໄຕ້ການເປັນປະທານຂອງດຣ.ນາງ ຜາສຸກ ວົງວິຈິດ ,ຮອງຫົວ ໜ້າກົມແຜນການ ແລະ ການຮ່ວມມື, ທັງເປັນຫົວໜ້າກອງເລຂາກົນໄກການບໍລິຫານແບບມີສ່ວນຮ່ວມ ກະຊວງສາທາລະນະສຸກ ຊຶ່ງມີຜູ້ແທນເຂົ້າຮ່ວມປະກອບມີ ຮອງຫົວໜ້າພະແນກສາທາລະນະສຸກ ແຂວງ ວຽງຈັນ, ບໍລິຄຳໄຊ ແລະ ຄຳມ່ວນ ພ້ອມດ້ວຍທີມງານວິຊາການ 3 ແຂວງ, ຂອງວິຊາການໂຄງການລາວ/027 ກໍ່ໄດ້ເຂົ້າຮ່ວມຢ່າງພ້ອມພຽງ. ກອງປະຊຸມໃນຄັ້ງນີ້ຈະໄດ້ດຳເນີນໄປເປັນເວລາ 2 ວັນ ແຕ່ ວັນທີ 25-26 ມີຖຸນາ 2019 ຊື່ງໃນກອງປະຊຸມດັ່ງກ່າວແມ່ນຈະໄດ້ຮັບຟັງການລາຍງານກ່ຽວກັບການນຳໃຊ້ແບບຟອມວຽກງານຂອງ ແມ່ ແລະ ເດັກ, ແລະ ການຄິດໄລ່ຕົວຊີ້ວັດຊື່ງຈະໄດ້ຈັດຕັ້ງປະຕິບັດຢູ່ໃນ 3 ແຂວງທີ່ໄດ້ກ່າວມາຂ້າງເທີງນັ້ນ ຕະຫຼອດເຖີງການລາຍງານການກວດສອບພາຍນອກປະຈຳປີ 2018 ພ້ອມດຽວກັນນັ້ນ ໃນກອງປະຊຸມ ກໍ່ໄດ້ມີການປຶກສາຫາລືກ່ຽວກັບ ການຕິດຕາມການປະເມີນຜົນ, ການນຳໃຊ້ແບບຟອມຂອງ ວຽກງານ ແມ່ ແລະ ເດັກ ປະຈຳປີ 2019 ເພື່ອພ້ອມກັນສ້າງຄູ່ມືໃນການຕິດຕາມ ແລະ ປະເມີນຜົນ ເພື່ອນຳໃຊ້ໃນໂຄງການລາວ/027 ຂອງ 3 ແຂວງ ຄື: ແຂວງ ວຽງຈັນ, ບໍລິຄຳໄຊ ແລະ ແຂວງ ຄຳມ່ວນ. ສຸດທ້າຍກອງປະຊຸມຍັງໄດ້ຮັບຟັງການລາຍງານຂອງບັນດາແຂວງຊຶ່ງກໍ່ເຫັນໄດ້ວ່າຍັງມີຄວາມຍຸ້ງຢາກໃນການປະຕິບັດວຽກງານ ທີ່ຈະຕ້ອງມີການຮ່ວມມື ແລະ ປະສານງານ ເພື່ອຈັດຕັ້ງປະຕິບັດວຽກງານ ກ່ຽວກັບການຕິດຕາມປະເມີນຜົນ ແລະ ການນຳໃຊ້ແບບຟອມ ຂອງວຽກງານ ແມ່ ແລະ ເດັກ ປະຈຳປີ 2019 ໃຫ້ປະສົບສຳເລັດຕາມລະດັບຄາດໝາຍທີ່ວາງໄວ້.

  • 05 ທ.ວ

 

ໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນລາວທັງຊາດ ພວມຈັດຕັ້ງສະເຫລີມສະຫລອງວັນສ້້າງຕັ້ງ ເມືອງວຽງໄຊ ແຂວງຫົວພັນ ຖານທີໜັ້ນຂອງການປະຕິວັດຄົບຮອບ 50 ປີ ຢ່າງເປັນຂະບວນຟົດຟືນ ແລະ ມີຄວາມສຳຄັນທາງດ້ານປະຫວັດສາດຂອງຊາດລາວ.

 

 

 ໃນວັນທີ 29 ພະຈິກ 2018 ຜ່ານມາ ກະຊວງສາທາລະນະສຸກຈື່ງໄດ້ຈັດກອງປະຊູມປະຖະກະຖາ ເພື່ອຮັບຟັງການປະຖະກະຖາ ກ່ຽວກັບວັນສ້່າງຕັ້ງ ເມືອງວຽງໄຊ ແຂວງຫົວພັນ ຖານທີໝັ້ນຂອງການປະຕິວັດຄົບຮອບ 50 ປີ (ວັນທີ 30/11/1968 – 30/11/2018.)

 

 

ເປັນກຽດເຂົ້າຮ່ວມໂດຍທ່ານ ດຣ ນ ແສງຈ້ອຍ ປັນຍາວົງ ຄະນະປະຈຳພັກກະຊວງ, ຫົວໜ້າກົມຈັດຕັ້ງ-ພະນັກງານ ມີ ທ່ານຄະນະກົມ, ຄະນະຫ້ອງການ, ຄະນະສູນ ພ້ອມດ້ວຍສະມາຊິກພັກ ແລະ ພະນັກງານ ກະຊວງສາທາລະນະສຸກ ກໍ່ໄດ້ເຂົ້າຮ່ວມຢ່າງພ້ອມພຽງ ກອງປະຊູມໄດ້ຮັບຊົມແຜນຊີດີ ແລະ ການປະຖະກະຖາກ່ຽວກັບວັນສ້າງຕັ້ງ ເມືອງວຽງໄຊ ແຂວງຫົວພັນ ຖານທີໝັ້ນຂອງການປະຕິວັດຄົບຮອບ 50 ປີ. ໄດ້ຮັບຮູ້ເຖິງມູນເຊື້ອຄວາມປີຊາສາມາດຂອງກອງທັບ ແລະປະຊາຊົນລາວບັນດາຜົນເຜົ່າ, ຄວາມສະຫລາດສ່ອງໃສຂອງພັກປະຊາຊົນປະຕິວັດລາວໃນການນຳພາການປະຕິວັດຂອງການນຳຮຸ່ນກ່ອນ.

  • 27 ກ.ຍ

 

ວຽກ​ງານ​ປະກັນ​ສຸຂະພາບ ​ແລະ ການ​ຫັນ​ໂຮງໝໍ​ກຸ້ມ​ຕົນ​ເອງ ​ແມ່ນ​ນະ​ໂຍບາຍ​ທີ່​ສຳຄັນ​ຫຼາຍ ຂອງ​ລັດຖະບານ​ກໍ່​ຄື​ຂອງ ຂະ​ແໜງ​ສາທາລະນະ​ສຸກ ​ເພາະ​ມັນ​ເປັນ​ປັດ​ໃຈ​ຕົ້ນຕໍ ​ເພື່ອ​ບັນລຸ​ການ​ປົກ​ຄຸມປະກັນ​ສຸຂະພາບ ​ແລະ ການ​ເຂົ້າ​ເທີ​ງການ​ບໍລິການ​ສຸຂະພາບທົ່ວ​ປວງ​ຊົນ ຢ່າງ​ມີ​ຄຸນ​ນະພາ​ບ ​ແລະ ​ເປັນ​ທຳຊື່​ງຫຼາຍ​ປະ​ເທດ ກໍ່​ບັນລຸ​ຫຼາຍ​ກ່ວາ 95% ​ແລະ ຫຼາຍ​ປະ​ເທດ​ພວມ​ສຸ້ຊົນ​ໃຫ້​ບັນລຸ​ຮອດ​ປີ 2030 ສຳ​ລັບ ສປປ ລາວ ​ໄດ້​ວາງ​ເປົ້າ​ໝາຍ​ໃຫ້​ບັນລຸ​ໃນ​ປີ 2025.

 

 

ໃນ​ໄລຍະ​ຜ່ານ​ມາ​ຢູ່ ສປປ ລາວ ​ໄດ້​ສ້າງ​ຕັ້ງ​ຫຼາຍ​ກອງ​ທຶນ​ປະກັນ​ສຸຂະພາບ​ມີ​ທັງ: ພາກ​ລັດ, ພາກ​ວິ​ສາ​ຫະກິດ, ພາກ​ປະຊາຊົນ, ຜູ້​ທຸກ​ຍາກ ​ແລະ ​ແມ່​ແລະ​ເດັກ ​ໃນ​ປະຈຸ​ບັນ​ກອງ​ທຶນ​ປະກັນ​ສຸຂະພາບ​ແຫ່ງ​ຊາດ​ໄດ້​ເຕົ້າ​ໂຮມ​ເອົາ​ບັນດາ​ກອງ​ທຶນ​ປະກັນ​ສຸຂະພາບ​ຕ່າງໆ ື່ກະຊວງ​ສາທາລະນະ​ສຸກ​ຄຸ້ມ​ຄອງ​ເຂົ້າກັນ​ຕື່ມ​ເພື່ອ​ເຮັດ​ໃຫ້ການ​ຄຸ້ມ​ຄອງ​ກອງ​ທຶນ​ທີ່​ມີ​ກົນ​ໄກ​ແຕກ​ຕ່າງ​ກັນ​ໃຫ້​ມີ​ຕວາ​ມ​ເປັນ​​ເອກະ​ພາບ, ຜົນ​ປະ​ໂຫຍ​ດ​ໃຫ້​ມີ​ມາດຕາ​ຖານ​ດຽວ​ກັນ ​ເທົ່າ​ທຽມ​ກັນ ​ແລະ ​ໃຫ​ເກ​ອງທຶນ​ໃຫ່ຍຂື້ນ​ມີ​ຄວາມ​ແຂງ​ແຮງ ​ແລະ ສາມາດ​ສະ​ເລ່ຍຄວາມ​ສ່ຽງ​ໃຫ້​ກ້ວາງ​ອອກ.

ການ​ຫັນ​ໂຮງໝໍ​ໃຫ້​ກຸ້ມ​ຕົນ​ເອງ ຕິດ​ພັນ​ກັບ​ວຽກ​ງານ​ປະກັນ​ສຸຂະພາບ ​ເປັນ​ບັນຫານື່ງທີ່​ສຳຄັນ​ເພື່ອ​ຜົນ​ຂະຫຍາຍ​ຈັດ​ຕັ້ງປະຕິບັດ​ນະ​ໂຍບາຍ 5 ດີ 1 ພໍ​ໃຈ ກໍ​ຄື​ແຈ້ງ​ການ 619 ຂອງ​ຫ້ອງ​ວ່າການ​ສູນ​ກາງ​ພັກ ​ໃນ​ປີ 2007. ​ຫຼາຍ ໆ ປະ​ເທດ​ໄດ້​ຫັນ​ໂຮງໝໍ​ກຸ້ມ​ຕົນ​ເອງ ຕິດ​ພັນ​ກັບ​ວຽກງານ​ປະກັນ​ສຸຂະພາບ ​ໂດຍ​ສະ​ເພາະ​ແມ່ນ​ປະ​ເທດ​ເພື່ອນ​ມິດ​ຍຸດ​ທະ​ສາດ ​ແລະ ປະ​ເທດ​ອ້ອມ​ຂ້າງ​ໄດ້​ຈັດ​ຕັ້ງ​ປະຕິບັດ​ມາ​ຫຼາຍ​ປີ ຊື່​ງ​ໄດ້​ຮັບ​ໝາກຜົນ​ດີ​ສົມຄວນ​ເປັນ​ຕົ້ນ​ການ​ພັດທະນາ​ໂຮງໝໍ​ໃຫ້​ທັນ​ສະ​ໃໝ ​ແລະ ຄຸນ​ນະພາບບໍລິການ​ໄດ້​ພົ້ນ​ເດັ່ນ​ຂື້ນ​ທັງ​ສາມາດ​ຫຼຸດຜ່ອນ​ການ​ເພີ່ງ​ພາ​​ແຕ່​ງົບປະມານ​ຂອງ ລັດຖະບານ ຢ່າງ​ດຽວ.

 

 

ດັ່ງ​ນັ້ນ ​ໃນ​ວັນ​ທີ 25 ກັນຍາ 2018 ຜ່ານ​ມາ ຈື່ງ​ໄດ້​ມີ​​ກອງ​ປະຊຸ​ມ​ແລກປ່ຽນ​ບົດຮຽນ​ວຽກ​ງານປະກັນສຸຂະພາບ ແລະ ການຫັນໂຮງໝໍກຸ້ມຕົນເອງຂື້ນ ທີ່ ​ໂຮງ​ແຮມ ​ເມືອງ​ແທ໋ງ ​ໂດຍ​ການ​ເປັນ​ປະທານ​ຂອງ​ທ່ານ ຄຳ​ພອນ ພຸດ​ທະ​ວົງ ຮອງ​ລັດຖະມົນຕີ​ກະຊວງ​ສາທາລະນະ​ສຸກ ສປປ ລາວ, ມີ ທ່ານ ຮສ ດຣ ຟາ​ມ​ເລ​ຕວນ ຮອງ​ລັດຖະມົນຕີ​ກະຊວງ​ສາທາ​ລະ​ສຸກ ສສ ຫວຽດນາມ ພ້ອມ​ດ້ວຍ​ຄະນະ​ກົມ​ກອງ, ​ໂຮງໝໍ​ສູນ​ກາງ​ອ້ອມ​ຂ້າງ​ກະຊວງ​ຜດ ບັນດາ​ຜູ້ຕາງໜ້າ​ກະຊວງ, ຂະ​ແໜງ​ການ​ຕ່າງໆ​ອ້ອມ​ຂ້າງ​ສູນ​ກາງ, ຫົວໜ້າ​ພະ​ແນ​ກສາທາລະນະ​ສຸກ ​ແລະ ອຳນວຍ​ການ​​ໂຮງໝໍ​ແຂວງ​ກໍ່​ໄດ້​ເຂົ້າ​ຮ່ວມ

ຈຸດປະສົງ​ກໍ່​ເພື່ອສົນທະນາ​ປຶກສາ​ຫາລື​​ແລກປ່ຽນ​ບົດຮຽນຢ່າງ​ລະອຽດ, ​ເປັນຄວາມ​ຮູ້​ພື້ນຖານ​ເພື່ອ​ຄົ້ນ​ຄ້ວາ​ພັດທະ ນາການ​ຫັນ​ໂຮງໝໍ​ກຸ້ມ​ຕົນ​ເອງ​ຕິດ​ພັນ​ກັບ​ວຽກ​ງານ​ປະກັນ​ສຸຂະພາບ​​ໃຫ້​ປະກົດ​ຜົນ​ເປັນ​ຈີ​ງ ​ແລະ ກໍ່ເພື່ອ​ເພີ່ມ​ທະວີ​ການ​ພົວພັນ​ຮ່ວມ​ມື​ໃນ​ວຽກ​ງານ​ສາທາລະນະ​ສຸກ ​ໂດຍ​ສະ​ເພາະ​ແມ່ນ​ການ​ປັບປຸງ​ກົນ​ໄກ​ການ​ຄຸ້ມ​ຄອງ​ການ​ເງິນ. ຄຸນ​ນະພາ​ບການ​ບໍລິການ​ຂອງ​ບັນດາໂຮງໝໍຂັ້ນ​ຕ່າງໆໃຫ້​ດີ​ຂື້ນ​ເພື່ອ​ຕອບ​ສະໜອງ​ຄວາມ​ຮຽກຮ້ອງຕ້ອງການ​ຂອງ​ປະຊາຊົນ ບັນດາ​ເຜົ່າ ທີ່​ນັບ​ມື້​ນັບ​ສູງ​ຂື້ນ​ຢ່າ​ງ​ໄວວາ ກ່ຽວ​ກັບ​ຄຸນນະພາບ​ການ​ບໍລິການ.